UPA DR. F LIANCHHINGA kan then ta

Mizoram Baptist Kohhran ban pawimawhte zing ami, hun rei tak Kohhran School inspector leh BHSS lecturer-a pension ta, Upa Dr. F. Lianchhinga (77) chu  Vawii chawhnu dar 01:00 pm khan Lung leh kal tha lo avangin Christian Hospital Serkawn-ah a thi a, Zaninah lumen niin naktuk-dar 12:00-ah vuiliam a ni ang.

Naktuk-a amah thlahna Inkhawm hi, ama chenna In Serkawn Ramzotlang-ah neih a ni ang a. An chhungkaw duh dan angin Biak In lamah Progamme siam a ni tawh lo vang. Vuina Inkhawm hi Ramzotlang Kohhran Chairman Elect, Upa C. Vanlalmuana'n a kaihruai anga, Bialtu Pastor, Rev. CL Malsawma'n a vui ang. Tualchhung Kohhran aiawh, Mizoram Baptist Kohhran aiawh leh Chhungkaw aiawh ten thu an sawi ang a, Serkawn thlanmualah thlahliam a ni ang. hetiang mi BCM mai ni lo, Lunglei-in kan chan ta hi a uihawm takzet a, a kalsan, a nupui fanaute leh tu leh fate zawng zawng Lalpa'n thlamuanin awmpui zel se tih hi Kohhran hote tawngtaina a ni.