Kum 1907 khan America (USA) mi, Dr.George Bailey huaihawtnain khawvel pum huap Sunday School Ni chu Rome khawpuiah an lo hmang tawh a ni. Kum 1910 khan World Sunday School Association President atan thlan a ni a. India ramah chuan November thlaa Pathianni hmasaber hi khawvel Sunday School Ni atan kan hmang a. Mizoram Baptist Kohhran hian kum 1939 khan All India Sunday School Union a zawm ve a, chuta tang chuan khawvel Sunday School ni pawh India ram hmun danga mite rualin kan lo hmang ve ta zel a ni.
Khawvel Sunday School Ni dintu chu khawvel puma Sunday School rawngbawlnaa mi pawimawh tak America (USA) mi, Dr.George Bailey a ni a. Kum 1907 khan ama huaihawtnain khawvel pum huap Sunday School Ni chu Rome khawpuiah an lo hmang tawh a ni. Kum 1910 khan World Sunday School Association President atan thlan a ni a. India ramah chuan November thlaa Pathianni hmasaber hi khawvel Sunday School Ni atan kan hmang a. Mizoram Baptist Kohhran hian kum 1939 khan All India Sunday School Union a zawm ve a, chuta tang chuan khawvel Sunday School ni pawh India ram hmun danga mite rualin kan lo hmang ve ta zel a ni.
Sunday School lo din chhoh dan:
England rama Gloucester khuaa Anglican kohhran member pakhat Robert Raikes chuan Pathiannia naupang tam tak tih tur hre lova vak rawlai mai mai, lehkha zirna pawh neilote chu a vei hle a. Lehkha zirtira Pathian thu an zir nghal theihna tur ngaihtuahsak tulin a hria a. Mahse amah ringawt chuan thil harsa tak ni dawna a hriat avangin a thianpa Thomas Stock chu Sunday School dinpui turin a sawm ta a. Tichuan kum 1780, July thlaah chuan Gloucester khuaah Sunday School chu a lo ding tan ta a ni. A tirah chuan hlawh neiin zirtirtu tur mi an ruai a. Pathianin mal a sawm a, reilote chhungin naupang za rual zet zirlai an nei ta mai a. Mi ten a thatzia hmuin hmun hrang hrangah an din chho ta zel a, a din atanga kum nga lek chhungin England ram pumah Sunday School 4000 lai a ding nghal ta der mai a ni. India ramah hian Baptist Missionary William Carey te thian za hovin kum 1800 ah khan bul an tan a. Chuta tang chuan hmun hrang hrangah a lo darhzau ta zel a. Mizoramah pawh hmun tinah Sunday School dinin kohhran dodingtu ban nghet leh tangkai tak niin, tisa leh thlaraua mi puitling chher chhuahna hmun pawimawh ber pakhat a lo ni ta hial a ni.
