Mizorama chanchintha lo thlen kum 50-na (Golden Jubilee) hriat rengna atana 1946-a Zosap Missionary te remruatpuina-a din Jubilee Bible School kum 75-na (Platinum Jubilee) Lawmna leh Graduation Service chu December 7, 2021 (Thawhlehni) khan hman a ni a.
Chawhma dar 10-ah Jubilee Hriatrengna lung Jubilee Bible School, Main Building-a dah chu Rev. F. Ramdinmawia, General Secretary BCM in hawngin, Chhun dar 12 ah Jubilee lawmna Inkhawm leh Graduation Service chu BCM Biak In, Ramzotlang Serkawn ah neih a ni. Rev. Dr.V. Laldingliana, President BCM chu khuallian niin, BCM Puipate Rev. F. Ramdinmawia, General Secretary,ย Rev. Dr. C. Vanlaldika, AGS (Mission), Rev. R. Lalbiakliana, AGS (Service) te, Bialtu Pastor, Serkawn Bial teโn he hun hi an hmanpui bawk.
Platinum Jubilee lawmna leh Graduation Service hi Upa HL Liantluanga, Lecturer, Jubilee Bible School-in a kaihruai a, Rev. F. Ramdinmawia, General Secretary-in Jubilee Souvenir a tlangzarh a. JBS Principal Rev. Joseph Vanlalruataโn JBS chanchin leh report tlangpui a sawi hnu ah Diploma in Christian Studies (Dip.CS) zir zo mi 19 leh Kohhran Upa leh Rawngbawltu te puala Bible Correspondence Course zirzo mi 17 te hnenah Certificate hlan an ni.
Inkhawm ah hian Jubilee Bible School-a lo thawk tawh zawng zawng te hnenah chawimawina thilpek (Memento) hlan an ni bawk. Zirlai zirzo Certificate leh zirlai tit ha te lawman semna neih a nih hnu hian Correspondent Bible Course zirlaite aiawhin Upa R. Remmawia leh Nl. Lalthanmawii Varte, Diploma in Christian Studies zirlai aiawh ten thu an sawi a. Hemi hnu hian Graduation Speaker, BCM President Rev. Dr.V.Laldinglianaโn zirlai kal chhuak tur te thuchah a sawi a, hun tawp kharna Malsawm tawngtai Rev. V. Laltlanzuala, Bialtu Pastor, Serkawn Pastor Bial-in a hmang.
Jubilee Bible School hi 1946 June 1 ah Bible zirna thla thum course hmanga bul tan a ni a. Rev. R.F. Tucker BMS Missionary chu Principal ni in, Rev. HS Luaia leh Rev. Challiana te zirtu an ni a, zirlai hmasa ber te hi Tuikuk/Takam zinga Tirhkoh rawngbawlna hna thawk tura lak mi 8 an ni. Kum 2021-2022 Session atan Diploma in Christian Studies zirlai mi 20 te leh Correspondence Bible Course zir zo mi 17 an awm a, Zirtirtu panga-in an enkawl mek a ni.
