Pic: Rev. TC Vanlalmalsawma, FDJharkhand Field hawn[/caption]
BCM Assembly -2014, Serkawn a neih-in Jharkhand Mission Field hawn nise ti-a a lo passed chu Mission Department-in bawhzui nghalin tunkar Thawhlehni, August 19,2014 chhun dar 11:30 khan hawn a ni ta. Mission Field thar hawnna Inkhawm hi Vanlalmalsawma F/D in a kaihruai a, Rev. Joseph Vanlalruata Regional Director-in Pathian hnenah hlanin a hawng a, Rev, B. Zirsangliana Field Director, West Bengal Fieldin thuchah a sawi bawk. He Field thar hawn inkhawm-ah hian Santal ringtu za vel an kal khawm a, tlai lamah Field thar lawmna ruai an kil ho nghal a ni.
Jharkhand field hawn a nih theih nana kum 2000 vel atanga hma lo la a, thawktu pawh lo tir tawhtu Non-Mizo Fellowship, Lunglei chuan Field thar hawn ni hian Venghlun Lungleiah field thar lawmna ruai an lo theh nghe nghe a ni. Jharkhand Mission Field ah hian tunah hian missionary pali - Rev. Tc. Vanlalmalsawma, Feild Director te chhung, Pu C. Lalremruata, Evangelist te chhung, Nl. C. Lalremruati, Evangelist Nurse leh Pu J. Lalrinawma, Evangelist te chhung bakah a rammi thawktu(Native Workers) 15 an bung mek a, Jharkhand Area-a BCM Missionary tirh luh hmasak ber, Evan. Hrangchhuana chu tunah hian AICS-ah Diploma in Missionary Training a bei mek a ni.
Jharkand Mission Field hi Mizoram Baptist Kohhran hnuaia Mission Field 23-na a ni ta a, tihian India ram chhung-ah Mission Field 12 leh Foreign-ah Mission Field 11 neiin rawng a bawl mek a ni.
 |
 |
 |
|
Missionary te leh an nupuite |
Field thar hawn Inkhawm |
Kristian te |
