Lunglei bawrhsâp hnên atanga ngenna kan hmuh angin Lok Sabha, 2019 inthlanna April ni 11,2019 (Ningani) hian Mizoramah neih tur a ni a. Inthlanna felfai leh muanawm kan neih theih nân kohhran member zawng zawngte kan sâwm a. Hêng a hnuaia Point hrang hrang târlante hi kohhranhote zâwm theuh turin kan inngên e.1. Inthlan ni-ah vote thlâk theuh ila, chawhnu tlai tawh taka chhuah chauh ai chuan chawhma hun thâwla vote thlâk mai hi a samkhai a ni. 2. Inthlannaa mawhphurhna nei rêng rêngin mahni mawhphurhna ngai pawimawh tur leh rintlâk taka hlen chhuak turin kan in chah a ni. 3. Zu in mi kan zîngah an awm fo, inthlan hi a pawimawh êm avângin duty laiin zu in hauh loh tur a ni. 4. Inthlannaah hian khâwl (EVM leh VVPAT) hman a ni a. A hmehna lai turte hriat chian lo tum tur a ni a. Inthlannaa duty te englai pawhin zawh theih reng a ni. 5. Inthlan ti khaihlak thei thil eng pawh lakah inthiarfihlîm theuh tum ila, chutiang thil ti kan hriat pawhin thawhpui lo ila, thuneitute hnênah hriattîr mai zâwk tur a ni ang. 6. MP inthlannaah hian vote tla zât hi MLA inthlan aiin a tlêm fo thîn a. Tûn tum chu tûn hma MP inthlana vote tla aia tam a tlâk theih nân kohhran member zawng zawngte vote thlâk theuh turin kan sâwm a che u. 7. Inthlanna tluang taka neih a nih theih nân engkim titheitu Pathian hnênah tawngtaina hmang zêl turin kohhran member zawng zawngte kan sâwm bawk a che u. Sd/-REV. F. RAMDINMAWIA General Secretary Baptist Church of Mizoram