Mizoram Thalai Kristian Pawl (MTKP) chuan “Human Trafficking” chungchang leh “Ruihhlo that lohzia inzirtir” chungchanga hmalakna turin Lunglei khawpui chhunga Middle School zirlaite pualin Inter-Middle School Television Quiz Show November 8 –12, 2016 chhung hian Cultural Heritage Centre, Venglai Lungleiah an buatsaih a. Hetah hian Lunglei khawpui chhunga School 13 atangin an tel a ni. November 8, 9, 10 zanah te heng School 13 te hian intihsiak neiin, LDF Cable Network leh JB Cable Network ten Live-in an pe chhuak thin a ni. Heng zan 3 intihsiaka a ti tha top - 5 ten November ni 12, 2016 zanah Final intihsiak an nei ang.

Inter-Middle School Television Quiz Show hawnna 8th Nov. 2016 zan khan Cultural Heritage Centre, Lunglei neih a ni a, Rev. Lianchhunga Khiangte, Organiser, MTKP chuan kaihruaiin, Rev. JC Vanlalluaia, President MTKP chuan Pathian hnena hlanin Quiz Show hi a hawng a ni.

Final November ni 12, 2016 zana neih tur programme hetiang hi a ni.

Master of Ceremonies : V. Rokhawlkima, Asst. Secretary, MTKP Compere : Lalrindika Chhakchhuak  &  H. Lalramlini Speech : Pu Chalrosanga Ralte, Hon’ble Member of Legislative Assembly, Government of Mizoram Solo : Pensy B. Lalthangliani : Bethsy Lalrinsangi Distribution of Prizes : Rev. F. Ramdinmawia, General Secretary, Baptist Church of Mizoram   Quiz Competition-ah hian school (zirlai naupang) aiawh mi 2 zel an tel a, lawmman 1st - Rs 10,000/- + Citation, 2nd - Rs 7,000/- + Citation, 3rd - Rs 5,000/- + Citation. Quiz Question heng atang te hian siam a ni: * Mizoram GK Vol- 9 & Current Affair atangin * BCM Hand Book * MTKP Chanchin 2000 - 2012 * BCM & M|KP Hruaitu nilai te atangin * Text book: Class - VII & VIII (Mizo & Science atangin) Sport & Music leh Visual round