#President leh G.S Canada-ah:
President, Rev. Lalthangliana Hnamte leh General Secretary, Rev.F.Ramdinmawia te chu Baptist Church Trust Association(BCTA) Meeting Delhi-a an neih zawh hnuin, The Leprosy Mission hotute nen inhmu-in Delhi-a Phar enkawlna hmun te an tlawh kual a, TLM hruaitute nen inkawmhona leh thawhho zel dan tur te an sawi nghal.
Hemi zawh hian Ocotober 5, 2016 khan Delhi chhuahsanin Canada lam panin an chhuak veleh ta. Winnipeg, Canada-ah hian Chin Christian Fellowship General Conference . October 8-9, 2016 an hmanpui dawn a ni. An tum anga an kal theih chuan October 11, 2016 khian an lo lêt leh ang.
#AGS i/c Mission Nepal-ah:
Rev.Dr.C.Vanlaldika, AGS i.c Mission chuan Karhmasa khan Regional Meeting leh Mission Field Budget 2017 siam dan tur ruahmanna neiin Guwahati-ah a kal a, hemi zawh hian Nepal Field Kristian Inkhawmpui tunkar thawhtan (October 3-5,2016) hmanpuiin a tlang chho leh nghal a, hemi pah hian Nepal-a BCM rawngbawlna hmun leh Kohhrante tlawhin a fang kual nghal ang.
#Chawngte lamah:
Rev. R. Zohmingliana AGS i/c Service, Rev. V. Vanlalchhunga Pastoral Coordinator leh Rev. LB. Khawpuimawi Director, Comunications Dept te chu, Chawngte Pastor Bial Golden Jubilee lawmna programme October 5-6, 2016 hmangin an thang mek.
#TKP Organiser-Khawzawl Bialah:
Rev. Lianchhunga Khiangte, TKP Organiser chu Khawzawl Pastor Bial TKP Meet, October 8-9-a Khawzawl-a neih turh Speaker niin a hmanpui ang.
#Shillong-ah Social Concern Dept. aiawh kal:
# NEICC, India Peace Centre leh National YMCA \angkawpin Pastoral Centre Shillong- ah ni 28-30, Sept 2016 khan Peace Trainning neih a ni a. BCM a\angin Rev. K Lalbiakenga Organiser. PAC leh Nl. Camillia Lalhruaitluangi, Counsellor, Social Concern Dept. te kalin tunkar Thawhlehni khan dam takin an lo haw veleh ta.
#Pastor Coodinator-Lungtian-ah
Rev.V.Vanlalchhunga, Pastoral Co-ordinator chu Phawngpui West Pastor Bial Inkhâwmpui hmang turin Lungtian-ah a kal a, Lalpa Zanriah (Sacrament) a buatsaih ang a, Siaha West Bial Pastor Quarters hmun tur atâna ruahman tawh chu a en nghâl ang.
#Finance Director -Sakawrdai Bialah
Rev.Lalramngheta Chhangte, Finance Director chu Sakawrdai Pastor Bial Inkhâwmpuiah thusawitu turin a kal a, Lalpa Zanriah (Sacrament) a buatsaih nghâl ang.
