Rev.H.Lianngaia leh Rev. Dr.R. Zolawma - Manipur-ah

[caption id="attachment_6019" align="alignright" width="300"] General Secretary[/caption]

Manipur-a Kuki Baptist Convention chuan December 11-14, 2014 hian an Kohhran kum 100 tlin (Centenary) lawmna programme chi hrang hrang an hmang mek a; he hun hmanpui hian BCM General Secretary, Rev.H. Lianngaia leh AICS Principal, Rev.Dr. R. Zolawma te speaker turin an kal.  

Rev. Dr.K.Lalrinthanga te nupa Nepal-ah.

Rev.Dr.K. Lalrinthanga, Associate General Secretary  i/c Mission leh a nupui Dr. Chawngthanpari, Principal Higher And Technical Institute, Mizoram (HATIM ) te chuan Nepal Baptist Church Convention December 17-18, 2014,  Kathmandu-a neih tur an hmanpui dawn a, an pahnih hian Speaker an ni dun dawn a ni. An ni nupa hian Damparengpui-ah Krismas an rawn hmang haw ang a, Kumthar chu Serkawn-ah hman hman an tum ang.

Rev. Lalbiaksanga Chinzah-in Biak in hawng

AGS i/c Service, Rev. Lalbiaksanga Chinzah chuan December 10, 2014 khan Mizoram Baptist Kohhran M. Kawnpui Biak in sak thar a hawng.

 Rev.R. Zohmingliana leh Rev.C. Lalbiakzama ten - Sertlangpui Kohhran Centenary-hman pui

Mizoram Baptist Kohhran Sertlangpui chuan December 12-14, 2014 hian an Kohhran din champha kum 100-na (Centenary) an lawm a; BCM Headquarters atangin he programme hmanpui tur hian Rev. R. Zohmingliana, Pastoral Coordinator leh Rev.C. Lalbiakzama, Executive Editor tean kal.

Rev. KV Thanga Tripura-ah

Fellowship Organisations Department Director, Rev.KV. Thanga leh Hnahthial North bial zaipawlte chuan Tripura-a kan missionary thawhna khaw hlun berte zinga mi, Mualhuam hnam ho khaw lian ber Bijoynandi Biak in hawn leh Worship Seminar neihpuiin an kal a; kan senior pastor, he lai hmuna lo awm tawh Rev.B. Thangchina pawh chanvo pawimawh tak neiin a kal.

Rev. V. Vanlalchhunga- Lunglawn-ah

Communications Department chuan tunkar Pathianni hmang hian Lunglawn Kohhranah Communication Canpaign an hmang dawn a, Rev. V. Vanlalchhunga, Communication Director chu Communication Department mi leh sa ten an tawiawm ang.

MTKP Hruaitute Mamit bialah

Tunkar Pathianni hmang hian Mamit bial TKP chuan Nazareth Biak in, Luangpawlah  inkhawmpui an nei mek a, Mizoram TKP hruaitute  Rev. Samuel Lalremsanga, Organiser leh Pu Victor Lalrinawma, Vice President te bakah Lengpui Bial Zaipawlte’n an hmanpui ang.