General Secretary :

BCM General Secretary Rev.H. Lianngaia chu hetiangin programme hrang hrang neiin a tul hle. October 22 khan Luangmual MAP Battalion Kohhran Biak in hawngin Silver Jubilee lawmna an nei nghal a. October 23-ah Lawngtlai Bazar Kohhran Golden Jubilee-ah thuchah a sawi a. October 24-26 hian Tutthlang ABC inkhawmpui hmanpuiin Kawrthah lamah a tlang leh nghal ang. November thla tir hian Serampore Council Meeting-in Kolkatta-ah a kal lehnghal dawn a ni.

Lawngtlai Bazar Kohhran Golden Jubilee-ah AGS i/c Service:

Vawiin, October 23-25 chhung hian Lawngtlai Bazar Kohhran chuan Golden Jubilee an lawm mek a, hemi hmanpui tur hian  Associate General Secretary i/c Service, Rev. Lalbiaksanga Chinzah chu Jubilee-ah khual pawimawh niin thuchah a sawi ang a. Rev. C. Lalbiakzama, Executive Editor pawh hun pawimawh changin thuchah a sawi ang a, Rev. Lalthangliana Hnamte pawh he hunah hian Resource Person atan ruat a nih angin a tel bawk.

AGS i/c Mission :

Associate General Secretary i/c Mission, Rev.Dr. K. Lalrinthanga chu Guwahati-ah North East India Congress on Church in Mission (NEICOCM) Executive Committee-ah October 21-22 khan a tel a, October 24-26, 2014 hian Jharkhan Field Missionary leh Native Workers te Retreat neih puiin a cham chhunzawm ang.

Mission Coordinator:

Mission Coordinator, Rev. B. Lalrinawma chu October 24-26, 2014 chhunga Sadar North Baptist Association (Tripura) Silver Juibilee hmanpui turin kal a, ziathiam Nl. CR. Laldingliani’n a awiawm. Mission Coordinator hian Tripura field hmun hrang hrang a tlawh kual nghal ang.