Central sawrkar insingsak dân leh Income Tax Department-a report kan pêk dânte thlîrin Financial Year kan hman mêk 2016-2017 atanga hma la tanin Bial Target thehluh hun tâwp hi tihdanglam thaa hriat a ni a. Harsatna awm thei laka kan lo invên lâwkna a nih beiseiin 2016-2017 Financial Year-a Bial Target thehluh hun tâwp atân 21st March 2017 hi ruat a ni. Hei hi kum tina kalphunga kan neih tawh tur a nih avângin kum danga March thla thawhlâwm April thla thlenga thehluh theiha hun kan inpêk thin kha a remchâng dâwn tawh lo va. Hei hian kumin chhûnga kan hna thawh tur thenkhat thawk thei lovin min siam dâwn mah sela, hun lo kal zel tûr atân a that zâwk avângin tih loh theih loh a ni. Chuvângin BCM inrelbâwlna fel zâwka a kal zêl theih nân Bial tinte March thlaa hun tiam chhûng ngeia Bial Target theh lût hman tûrin kan inngên e.

Sd/- (Rev. F. RAMDINMAWIA) General Secretary Baptist Church of Mizoram