Mizoram Kohhran Hruaitute Committee, Executive Committee chuan kan ramah Ruihhlo leh HIV/AIDS lo pung zêl hi a reh theih nân December 14-15,2019-ah khian Kohhran hrang hrangte mahni kohhran theuhvah tawngtai rualna neih ni se, hetiang lam hawi zâwng hian hemi hunah hian Pathian Thuchah sawi ni se, tiin a rêl a. Tualchhûng Kohhran tinah hriattîrna siam hman a nih tawh loh avângin mahni Tualchhûng Kohhran theuhah ngai pawimawhin hei hi hman theuh ni se. Thupui chu hetiang hi a ni.

TAWNGTAI RUAL THUPUI: 1. Kan rama Ruihhlo lo pung zêl hi a lo tâwp theih nân. 2. Ruihhlo ngaite leh a zuartuten an thiltih an sim a, khua leh tui tha tak an nih theih nân. 3. Ruihhlo ngaiten an sim theihna tûra thawktu (Social Worker etc) te tân. 4. HIV/AIDS vei, lo pung zêl a tâwp theih nân leh mi tinte kan invawn thianghlima kan him theih nân. 5. Ram hruaituten dik tak leh tha taka ram an hruai a, ruihhlo leh sualna a lo reh theih nân.   THUCHAH SAWITUTE TAN: 1. Pathianin kan taksa, rilru leh thlarau a puma chhandam a duh - I Thessalonika 5:23. 2. Kan taksa hrisêl taka a awm hi a duh - 3 John 2. 3. Kan taksa hi Pathian chênna In a ni a, a ti khawlotu chu Pathianin a ti khawlo ve ang.I Korinth 3:16-17. 4. Lalpa laka an sualin Israelten hnam leh ram pum angin hremna an tuar thîn - Daniela 9:5-14. 5.Lalpa lam kan hawi a, kan sual kan sim chuan kan ram leh kan hnam a dam ang – II Chrnicles 7:14. 6.HIV/AIDS hluar zêlna chhan mipat hmeichhiatna sual leh ruihhlo lakah invêng fimkhurin Lalpa duh dânin thianghlim takin i nung ang u. Sd/-Rev.F.Ramdinmawia General Secretary Baptist Church of Mizoram Head Quarters : Serkawn