Kum khat chhûnga kan hunpui Krismas leh Kum thar kan lo thleng leh dâwn ta reng mai. He hun ropui tak hi hlim taka hmang tûrin kohhranhote duhsakna ka hlân a che u.

Biodiversity and Nature Conservation Network (BIOCONE) Mizoram ngenna angin Disposable Thlêng, No leh thil dangte kan hman kawnga kan fimkhur theih nâna hriat tûr pawimawhte ka han târlang a, kohhranhoten kan ngaipawimawh dâwn nia. 1. Hêng disposable items kan hman nasat hote hi tawih ral ve thei lo chi (Non-Biodegradable) an ni a. Mihring leh Ran vulh te, Ramsate leh Luia chêng chi nungcha hrang hrangte tân pawh natna chi hrang hrang a thlen thei a ni.

2. A tawih ral ve mai theih loh avâng hian bawlhhlawh buaipui tham tak a ni a, a sâwngbâwlna (Solid waste management)-ah pawh a buaithlâk bîk viau bawk.

3. A paihna lamah kan fimkhur lo va, kan paih mai mai fo, hei hian lei a ti nghet lovin lei min thlengin a thlen thei a ni.

4. Hêng disposable Thlêng leh No siamna Styrofoam kan tihah hian Cancer thlen thei (Carcinogens) Styrene a awm avângin ram changkâng zâwk leh khawpui thenkhatah chuan disposable items hi hman an khap tawh a ni.

5. Natna chi hrang hrang a thlen theih thu hi Scientist-te zirchianna atang pawhin engemaw zât hmuh tûr a awm tawh bawk.

Hetiang hi kan dinhmun a nih tâk avâng hian BIOCONE Pâwl chuan kum 2017 Krismas leh Kum thar 2018 lawmna hunah hêng disposable items hrang hrangte hi Ruai theh nâna hman loh inzirtîr a tûl tawh hlein a hria a. Tûn hma lama kan lo hman thin Thlêng (Stainless Steel) emaw Thing hnah leh Kuhva kâwr hmanga siam thlêng leh no te hmang uar tûrin Kohhranhote min ngên a ni.

Sd/- Rev. F. Ramdinmawia General Secretary Baptist Church of Mizoram