Rev. Dr. V. Laldingliana, President[/caption]
February 21, 2022 (Thawhtanni) chhun dar 12:00 khan Higher & Technical Institute, Mizoram (HATIM) Administrative Building hawnna Inkhawm HATIM Campus, Kawmzawl ah neih a ni a. Hawnna inkhawm hi Rev. Dr. C. Vanlaldika, AGS (Mission) in a kaihruai a, President Rev. Dr. V. Laldinglianaโn Building hi a hawng.
President-in hawnna a neih zawh hian Rev. R. Lalbiakliana, AGS (Service) in Building thar Pathian hnena hlanna tawngtaina a hmang a, General Secretary Rev. F. Ramdinmawiaโn thu sawi in HATIM a ย puitlin zelna tura ruahmanna hrang hrang te tarlangin, HATIM alo din theihna tur atana bul tantu te leh Administrative Building buatsaihna-a hma la a buaipuitu Education Department leh hna enkawla satu Property Department leh tha thawhtu zawng zawng te chung ah lawmthu a sawi.
Pu Victor Lalrinawma, Director Property Department chuan Administrative Building sak a nih dan report pe in, Principal HATIM Pu V. Vuansangaโn kal khawm te leh HATIM atana thilpek leh tawngtaina-a tan latu kohhran hote hnenah lawmthu a sawi a, Rev. L. Vanlalsanga, Director Eductaion Department in malsawm tawngtaina in hun tawp a khar a ni.
HATIM Administrative Block sa tur hian kum 2016 June thla khan North Eastern Consultancy Services (NECS) nen inremna (agreement) siamin bul tan a ni a. Building Design leh Estimate hi Catalyst Architect Firm ten an duan a ni thung. Administrative Block sak nan hian cheng nuai 236.36 sen tura ruahman a ni a, NECS in a sakna sum hi tumin, kum sarih chhung, kumtin nuai 32 in Property Department budget atanga rulh mek a ni a, 2023 hian rulh zawh theih beisei a ni. Building len zawng hi 40x70 Sq.Feet niin chhawng thum (Floor thum)-a sak a ni a, he Building-ah hian Principal Office, Administrative Office, Conference Hall, Library leh Computer Lab te a awm a ni.
 |
 |
[caption id="attachment_20617" align="aligncenter" width="222"] Administrative Building[/caption] |
[caption id="attachment_20616" align="aligncenter" width="212"] Adminsstrative Building (North View)[/caption] |
