Sculpture Garden hawng dawn:

Vawiin, May 25, 2017 chawhnu dar 2:00 hian HATIM Campus, Kawmzawla Sculpture Garden chu Dr. Chawngthanpari, Former Principal, HATIM chuan a hawng dawn.

Sculpture Garden inkhawmna hi Vuansanga Vanchhawng, Dean, HATIM-in a kaihruai ang a, Victor Lalrinawma, Property Manager, BCM chuan he Sculpture Garden din a nih dan leh a sak chhoh dan Technical Report a pe ang a, Sculpture Garden chu Rev Dr K. Lalrinthanga, ES Aizawl in Pathian hnena hlanna a nei ang a, Campus Choir, HATIM te an zai bawk ang. He Sculpture Garden din a nih theih nana mimal sum engemawzat thawhtu Pu R. Laldinliana, Malsawm Inverter in thu a sawi bawk ang. Hemi hnu hian Rev B. Thangchina’’n malsawmnain he inkhawm hi a titawp ang.

Graduation & Valedictory Service:

Nimin, May ni 24,2017(Nilaini) khan Higher And Technical Intitute, Mizoram (HATIM) chuan Graduation Day Saikuti Hall, Lungleiah an hmang a. Chief Guest-ah Rev. F. Ramdinmawia, Gen. Secretary an hmang. Hemi ni chawhnu lamah Valedictory Service hmang zuiin, tlai lamah Campus, Kawmzawlah chawhlui kilhovin hun khar a ni. He Progamme-ah hian College Megazine - 'Dokimos' chu a release a ni bawk.