Nimin, May 27, 2015 chuhnu khan Higher & Technical Institute, Mizoram chuan a vawi 6 nan Graduation Ceremony ropui takin Saikuti Hall-ah an hmang a. Pu S. Laldingliana, HPC Vice Chairman chu khuallian niin Rev C. Ngurhnema BCM President, Rev Lalbiaksanga Chinzah AGS i/c Education leh Rev Dr K. Lalrinthanga AGS i/c Mission ten an hmanpui.

He Graduation Ceremony hi Dr Chawngthanpari, Principal HATIM in a kaihruaia zirlai graduate te commission-na hun a hman hnuah graduating students ten oath taking an nei a, graduating students mipa leh hmeichhe aiawhin thusawi an neih hnuah HATIM Award sem a ni a, heng mite hi chawimawina hlan an ni HATIM Award - HK Lalrintluangi 6th Sem Comp Science Most Improved Award - K. Malsawmhlua 6th Sem BCA Music Award - Lalnunsanga, 6th Sem B.Com Proficiency Award - Commerce - C. Biakthansangi Comp Science - HK. Lalrintluangi Social Work - Rebecca LP lalnunhlui English -LR Lawmpuii Chhangte R. Lalziki Award - Joseph Lalrinawma

He hunah hian khuallian Pu S. Laldingliana chuan fuihna thu tha tak sawiin HATIM tan HPC hnuaiah Tuizem siamna Rs Nuai 15 pek a nih tur thu a sawi a. Principal Pi Chawngthanpari pawhin Principal anihna anga a thusawi hnuhnung tur leh chhuak mai tur anih thu sawiin Pu Zodintluanga Minister in HATIM Campus thara playground changtlung tak siam nan Rs nuai 40 a pek thu leh Minister Pu PC Lalthanliana'n Girls Hostel sak nan Rs nuai 360 a pek thute sawiin lawmthu a sawi nghal bawk a ni.