April 4, 2015 (Inrinni) hi Mizoram Baptist Kohhran ni pawimawh zinga pakhat – “Harhna thlen Champha” a ni a. He Ni hi Pathian ni a nih loh chuan Headquarters atangin hman ngei ngei turin Kohhrante a phut lem lo a, a hmang thei tur te tan thupui buatsaih sa“ "An zain Thlarau Thianghlimin an khat ta vek a".” (TT 2:4) hmangin thuchah sawi ni se, programme kimchang chu Tualchhung Kohhran-in an duhdanin an siam ang a, Headquarters atanga Thuchah buatsaih pawh chhiarchhuah tur a ni ang a, tawngtairulana neih a ni bawk ang.

Tawngtai rual thupui : 1) Thlarau Thianghlim harhna kan la chan zel avangin lawmthu I sawi ang u. 2) Kan ram sualna leh hlemhletna tlengfai thei khawp harhna a lo thlen theih nan 3) Thlarau Thianghlim thiltihtheihna a

thuam a rawng kan bawl zel theih nan. Mizorama Harhna lo thlen tanna:

Mizoram-in Harhna kan chan hmasak ber chu Welsh ram harhna darh zau zel, Meghalaya-a cheng Khasi mite harhna atanga kan dawn chhawn ve a ni a. Chu chu Mizorama Kohhran a din tirh te, ringtu pawh tlem te kan la nih lai, kum 1906-ah a ni. Welsh ram hrahna kal zel chuan India ram pawh lo thlengin Khasi ram, Moirang khua a lo thleng a. He harhna chhim tur hian Mizoram atangin Baptist leh Presbyterian Kohhran hruaitute an zu kal ve a. An lo hawn lam chuan Aizawl an lo thlen hnu, April 4, 1906 khan Harhna chu an chang ve ta a. Chu chuan ram pum a fan chhuak a; Mizorama Harhna lo thlen hmasak ber ni a ni ta a ni.

BCM-in Harhna thlen champha Ni pawimawh-a a telh tan dan Kum 2005 BCM Assembly chuan 2006-ah Revival Centenary lawm ni rawh se, a tih angin 2006-ah chuan ram pumah Harhna kum 100 (Revival Centenary) chu lawm a ni ta a. He mi kum atang hian BCM Calendar-ah chuan tirin Mizoram Baptist Kohhran Ni pawimawh zingah telh a lo ni ta a ni.