Medical & Health Department[/caption]
Naktuk, May 17, 2017 (Nilaini) chawhnu dar 1:00 atang hian Christian Hospital Serkawn-ah B. Sanghnuna Confenrence Hall hawnna leh GNM 42nd Batch Graduation Programme an hmang dawn a. He hunah hian Pu Lalthanzara, Hon’ble Minister, H&FW chu khuallian a ni ang.
Hun hmasa lamah B. Sanghnuna Conference Hall, Christian Hospital Serkawn-a buatsaih hawn leh Pathian hnena hlanna Progamme neih hmasak a ni ang a, Upa Dr. B. Laldinliana, Medical Superintendent-in a kaihruai ang. Chief Guest-in a hawn hnu-ah Rev. Lalbiaksanga Chinzah, BCM President Elect-in Pathian hnenah a hlan ang. He Conference Hall sakna tura sum thawhtu (Pu. B. Sanghnuna te chhungkua hian Rs. Nuai 10 zet an thawh a ni) chhungkua atangin Pu David Lalchhuanawma, S/o B.Sanghnuna’n thu a sawi ang a, Chairman-in Technical report leh Vote of thanks a pe ang.
 |
 |
 |
|
Pic: B.Sanghnuna Conference Hall, Christian Hospital, Serkawn Attached on OPD Building - 2nd/Top Floor : Fully furnished with Round Table, Revolving Chairs, Ceiling Projector, Sound, Toilet, Wall Fan, LED Ceiling lights. |
||
B.Sanghnuna Confenrence Hall hawn zawh veleh hian GNM Graduation Programme-hi chhunzawm nghal a ni ang a, he hun hi Medical Superintendent, Upa Dr. B. Laldinliana vêkin a kaihruai ang a, Rev. ZD Lalrozuala, Hospital Chaplain-in hunserh a hman zawhah Pi Vanlalthlengliana, Principal, School of Nursing, CHS-in Graduate turte inhmelhrittirna neiin School Report a pe nghal ang a, Nl. Pensy B. Lalthangliani leh Nurse Students te an zai ang. Rev. F. Ramdinmawia, General Secretary-in BCM aiawha thusawina a neih bakah Faculty aiawh leh Graduate aiawh ten thu an sawi bawk ang. Kumin-ah hian GNM graduates tur 19 an awm a, graduate te tana buatsaih award hrang hrang sem nghal a ni ang. Rev. H. Lianngaia, BCM President-in Malsawmna-in inkhawm a khar ang. Graduation programme zawhah hian Hall lawmna leh Graduate tharte lawmpuina ruai kilho nghal a ni ang.
