April 6.2012 hi Good Friday a ni a, he Ni hi Mizoram Baptist Kohhran chuan serhin zanin atang hian Zoram pumah Kohhran hoten Good Friday programme kan hmang dawn a.  Hemi a nih avang hian Kohhrana thawktute pawh vawiin, April 5 - 9 thleng hian an hna chawlhsanin office an kai lo vang.

Zanin, Good Friday Eve hi Kohhran tam zawk chuan Lalpa Zanriah (Sacrament) kilho nan hun an hmang dawn a, inkhawm ban-ah Kohhran inpawlhona leh Zaikhawm programme te siam a ni ang. Naktuk Good Friday -ah Chawhma lamah Inkhawm a awm ang a, Headquarters atanga Good Friday thupui thlan sa - 'Pathian hmangaihna’ (Jn.3:16) tih hmangin thusawituten thuchah an puang ang. Kumdangah chuan Good Friday ah hian thupui pawh dah a ni ngai lova, kuminah chuan kohhran tinin chawhma lamah thupui pakhat hmangin hun hman tur a ni.  Chawhnu lamah Kohhran inpawlhona leh zaikhawm a awm leh ang a, hetah hian Kohhran tam zawk chuan Chhang ruai leh Sawhchiar te nen hun an hmang leh dawn a ni. Zan lamah pawh Inkhawm leh Kohhran Inpawlhona zaikahwm Programme te buatsaih a ni leh ang.

Zaninah hian Lalpa Zanriah (Sacrament) buatsaih sak turin Bialtu Pastor te an theuhah  chhuak deuh vek dawn a,   Headquarters a kan hruaitute pawh kan hriat theih chinah hengte hi an fehchhuak dawn a ni:

1. Rev. Dr. Raltawnga, President  - BCM Bethel, Venghlun-ah
2. Rev. H. Lianngaia, General Secretary  - BCM Rahsivengah
3. Rev. C. Ngurhnema, AGS i/c  Service - BCM Electricveng, Lunglei -ah
4. Rev. Dr. K. Lalrtinthanga, AGS i/c Mission- BCM Khawiva
5. Rev. Samuel Lalremsanga - Organiser, MTKP - BCM Serkawn
6. Rev. B. Lalramhlun - Director, Christian Education- BCM Ramthar
7. Rev. R. Lalbiakliana, Director, FOD - BCM Farmveng, Lunglei
8. Rev. H. Sangchema, Director, Education - BCM Chanmari vengthlang
9. Rev. Lalthangliana Hnamte, Pastoral Co-ordinator - BC Kanaan, Lunglawn
10. Rev. R. Lalchamliana, Director, Communications - BCM Zotlang North

-