Tun kar Zirtawpni, April 19, 2019 hi Khawvel puma Kristiante ni pawimawh ber zing ami “Good Friday”a ni a, tin, April 21, 2019 (Pathian Ni) hi Isua Krista Thawhlehna Ni (Easter Sunday) a ni bawk. He hun ropui tak hi Mizoram Baptist Kohhran pawhin urhsun taka hmangin a serh thin a. Kumin hian Good Friday leh Easter Sunday-ah te Headquarters atangin Thupui thlansa neih a ni a. Good Friday thupui atan “Ka hnenah Paradis-ah i awm ve ang. (Luka 23:43b) ,” (Luka 23:43) tih niin Easter Sunday thupui atan “A sawi ang ngeiin a thawh leh tawh kha (Mathaia 28:6 (b)tih a ni thung dawn a ni.
Ningani zan(Good Friday Eve)-ah Tualchhung Kohhran engngemawzatin Lalpa Zanriah(Sacrament) an kilho ang a, Good Friday tuk, Good Friday zan leh Inrinni zanah te thupui thlansa bakah Isua tuarna lam hawi thuchah te ngaithlak a ni ang a, Easter Sunday Chawhma leh zan inkhawmah te Krista thawhlehna thuchah ngaihthlak a ni bawk ang. Hetiang hunah hian Kohhran tam zawk chuan Inkhawm programme uluk taka duangin Kohhran Zaipawl bakah KNP/BMP leh Group leh mimal zai turte sawmin programme hlung tak an siam thin a ni.
Hemi a nih avang hian Kohhrana thawktute pawh April 18-22, 2019 thleng hian an hna chawlhsanin Good Friday leh Easter chawlh an hmang ang a, thawktu tam tak chu khual khua leh mahni khaw lamah an chhuak leh dawn a, April 22 (thawhlehni) ah Office hawngin an kai tan leh ang. BCM Headquarters thut hmun, Serkawn Kohhran chuan April 20,2019 (Inrinni) hian Kohhran pum huapin Pathian chawimawi an tum a. Nilengin Zaikhawm programme siamin tlai lamah ruai an kilho nghal dawn a ni. Serkawn Kohhan hi Krismas leh Kumthar vuakvet atanga Pathian faka zaikhawm an neih thin chu an la kalpui reng a, Pathianni zan apiangin Kohhran Zaikhawm buatsaih thin a ni a, Hlimna boruak ri vut vut si lovin an la keng nung reng a ni. Hetianga Thlarau Thianghlim malsawmna an chan avang hian Kohhran mite thilpek tlingkhawm atangin he programme hi Good Friday leh Easter denchhen-in an buatsaih ta a ni.Kan hriat theih chinah BCM hruaitute Good Friday & Easter Programme hmangin hetiang hian an chhuak ang:-
| 1. Rev. Pc Liandula, President | - | Good Friday - Easter | Aizawl |
| 2. Rev. Dr. K. Lalrinthanga, President Elect | - | 1) Good Friday Eve(Sac) 2) Easter Sunday | Aizawl City Church BCM Vaivakawn |
| 3. Rev. F. Ramdinmawia , Gen.Secretary | - | Good Friday zing | Hermon, Theiriat |
| 4. Rev. Dr. C.Vanlaldika, AGS Mission | - | 1) Good Friday Eve(Sac) 2) Good Friday (Zan) | Bazarveng, Lunglei Serkawn |
| 5. Rev. R. Lalbiakliana, AGS, Service | - | 1) Good Friday Eve(Sac) | Sethlun |
| 6. Rev. Dr. R. Lalthanmawia, E.S, Aizawl | - | 1) Good Friday Eve(Sac) 2) Good Friday-Easter Sunday zan thleng (Crusade) | Aizawl West Aizawl Chanmari |
| 6. Rev. R. Lalnunzira, E.S, Lawngtalai | - | 1) Good Friday zing 2) Easter Sunday | Lawngtlai Vengpui Bethany, Lawngtlai |
| 7. Rev. R. Lalthangliana, Mission Coordinator | - | Good Friday Eve (Sac) | Ramzotlangh, Serkawn |
| 8. Rev. C. Chhuntluanga, Coodinator, Pastoral | - | 1) Good Friday Eve(Sac) 2) Good Friday(Zing) | Moria, Rahsiveng Ramzotlang, Serkawn |
| 9. Rev. R. Thanmawia, Executive Editor | - | 1) Good Friday Eve(Sac) 2) Easter Sunday | Zohnuai Thuampui |
| 10. Rev. Lalremsiama Ralte, Director, FOD, etc | - | 1) Good Friday Eve(Sac) 2) Good Friday | Venghlun, Lunglei Hermon, Theiriat |
| 11. Rev. Dr. Lalzarliana, Comm.Director | - | 1) Good Friday Eve(Sac) 2) Good Friday | Serte Sertlangpui |
| 12. Rev. ZD Rodingliana, Christian Edn.Director | - | 1) Good Friday 2) Easter Sunday(zan) | Thuampui Ramzotlang,Serlkawn |
| 13. Rev. Lalramngheta Chhangte, Fin.Director | - | Good Friday Eve(Sac) | Lunglawn |
| 14. Rev. K. Lalbiakenga, Organiser, MTKP | - | 1) Good Friday Eve(Sac) 2) Easter Sunday | Kanaan(Salem), Lunglei Theiriat |
| 15. Rev. Sangliankhuma chinzah, Director, Social Concern | - | Good Friday Eve(Sacrament) | Salem, Lunglei |
