Tun kar Zirtawpni, April 14, 2017 hi Khawvel puma Kristiante ni pawimawh ber zing ami “Good Friday”a ni a, tin, April 16, 2017 (Pathian Ni) hi Isua Krista Thawhlehna Ni (Easter Sunday) a ni bawk. He hun ropui tak hi Mizoram Baptist Kohhran pawhin urhsun taka hmangin a serh thin a. Kumin hian Good Friday leh Easter Sunday-ah te Headquarters atangin Thupui thlansa neih a ni a. Good Friday thupui atan “Vawiinah hian ka hnenah Paradis-ah I awm ve ang,” (Luka 23:43) tih niin Easter Sunday thupui atan “Krista chu mithi zing ata kaihthawhin a awm tak zet a ni,” (1Kor 15:20) tih a ni.
Ningani zan(Good Friday Eve)-ah Tualchhung Kohhran engngemawzatin Lalpa Zanriah(Sacrament) an kilho ang a, Good Friday tuk, Good Friday zan leh Inrinni zanah te thupui thlansa bakah Isua tuarna lam hawi thuchah te ngaithlak a ni ang a, Easter Sunday Chawhma leh zan inkhawmah te Krista thawhlehna thuchah ngaihthlak a ni bawk ang. Hetiang hunah hian Kohhran tam zawk chuan Inkhawm programme uluk taka duangin Kohhran Zaipawl bakah KNP/BMP leh Group leh mimal zai turte sawmin programme hlung tak an siam thin a ni. Pathian Biak Inkhawm bakah Kohhran zaikhawm leh Inpawlhona programme hmangin Thingpui ruai nen urhsun takin an hmang thin a ni. Tualchhung Kohhran thenkhat chuan hemi chawlhkar pumpui 'Passion Week' -ah hian Kohhran zaikhawm programme te siamin tawngtai hona leh Thlarau lam intuaitharna hun atana hmang an awm bawk.
Hemi a nih avang hian Kohhrana thawktute pawh April 13-17, 2017 thleng hian an hna chawlhsanin Good Friday leh Easter chawlh an hmang ang a, thawktu tam tak chu khual khua leh mahni khaw lamah an chhuak leh dawn a, April 18 (thawhlehni) ah Office hawngin an kai tan leh ang.
Kan hriat theih chinah BCM hruaitute Good Friday & Easter Progamme hmangin hetiang hian an chhuak ang:-
| 1. Rev. H. Lianngaia, President | - | 1) Good Friday Eve(Sac) 2) Good Friday 3) Easter Sunday | Venglai Bazarveng Kikawn |
| 2. Rev. Lalbiaksanga, President Elect | - | 1) Good Friday Eve(Sac) 2) Good Friday 3) Easter Sunday | Vaivakawn Zotlang, Aizawl Aizawl ‘W’ |
| 3. Rev. F. Ramdinmawia , Gen.Secretary | - | Good Friday zing | Sethlun |
| 4. Rev. Dr. C.Vanlaldika, AGS Mission | - | Good Friday Eve (Sac) | Zotlang North |
| 5. Rev. Dr.K.Lalrinthanga, E.S, Aizawl | - | 1) Good Friday Eve(Sac) 2) Good Friday 3) Easter Sunday | Centre Church, Aizawl Zemabawk Aizawl 'W' |
| 6. Rev. R. Lalbiakliana, E.S, Lawngtlai | - | 1) Good Friday Eve(Sac) 2) Good Friday 3) Easter Sunday | Lawngtlai Vengpui Nazareth(Lawngtlai) Gilgal (Mampui) |
| 7. Rev. B. Lalrinawma, Mission Coordinator | - | Good Friday Eve (Sac) | Lunglawn |
| 8. Rev. V. Vanlalchhunga, Coodinator, Pastoral | - | 1) Good Friday Eve(Sac) 2) Good Friday | Theiriat Non-Mizo, Venghlun |
| 9. Rev. C. Lalbiakzama, Executive Editor | - | 1) Good Friday Eve(Sac) 2) Easter Sunday | Zohnuai Thuampui |
| 10. Rev. KV Thanga, Director, FOD, etc | - | Good Friday | Hermon,Theiriat |
| 11. Rev. LB Khawpuimawia, Comm.Director | - | Good Friday & Easter | Serte |
| 12. Rev. Pc. Liandula, Christian Edn.Director | - | Good Friday & Easter | Kawthah Bial |
| 13. Rev. Lalramngheta Chhangte, Fin.Director | - | 1) Good Friday Eve(Sac) 2) Easter Sunday | Sethlun Vanhne |
| 14. Rev. Lianchhunga Khiangte, Organiser, MTKP | - | Goodfriday Eve(Sac) | Salem |
| 15. Rev. K. Lalbiakenga, Organiser, PAC | - | 1) Good Friday (Zing) 2) Good Friday (chawhnu) 3) Good Friday (Zan) | Serkawn HATIM Luangmual |
