Christian Hospital Serkawn, School of Nursing chuan Nurse zir chhuakte pual inkhawm 39th Batch GNM Graduation Ceremony chu nimin October 15, 2014 khan Serkawn Nursing School Conference Hall-ah an nei a. Rev.Dr. K. Lalrinthanga AGS i/c Mission chu khuallian a niin Valedictory address a pe.

He Inkhawm hi Upa Dr. B. Laldinliana, Medical Superintendent, Christian Hospital-in a kaihruai a, Rev. R. Zohmingliana, Pastor Coordinator-in Devotion hun hmangin Pi Lalchangliani Sailo, Nursing Tutor-in Graduate turte hmelriattirna neia, General Secretary, Rev.H. Lianngaian Graduate tharte hnenah lawmman a sem a,   Nl. Biaklianzuali Award dawngtu hnenah Pi T. Rozami, Principal, Lunglei Nursing School-in a hlan a, Best Graduate Award lawmman Dr. Chawngthanpari, Principal, HATIM-in a hlan bawk. Nl. Pensy B. Lalthangliani’ zaia rawngbawlna a neiin Faculty aiawh leh Graduate thar te aiawh thusawi ngaihthlak a nih hnuah, Rev.Lalbiaksanga Chinzah AGS i/c Service in lawmthu sawi tawngtaina a nei a, Rev. KV Thanga'n Malsawm tawngtaina-in Inkhawm a khar a ni.