Biaklianzuali Award dawngtu EstherLalhlimpuii[/caption]
Nimin, May 17,2017 (Nilaini) chawhnu dar 2:00 khan School of Nursing, Christian Hospital Serkawn-chuan GNM Graduation Ceremony an hmang a. Inkhawm hi Upa Dr., B. Laldinliana, Medical Superintendent-in a kaihruai a, Rev.ZD Lalrozuala, Chaplain-in hunserh hmangin, Nl.Pensy B. Lalthangliani leh Nurse Students ten Pathian fakna hla an sa bawk.
Pi, Vanlalthlengliani, Principal, Nursing School chuan Graduate te hmelhriattirna leh School report tawi a pe a, zirlai tihtate hnenah lawman leh Award semna nei nghalin, Institution-in a buatsaih, Award sang ber, Biaklianzuali Award chu Esther Lalhlimpuii Murmu hnenah hlan a ni.He hunah hian Health & FW Minister, Pu Lalthanzara chu khuallian niin, graduate tharte a lawmpui thu a sawi a. Tun dinhmun an thlen theih nana rilru leh tha tam tak sengtu an zirtirtu leh an nu leh pa te hre reng tura a duh thu leh Zoram chhung leh pawn, India ram pawn thleng pawha hna an thawh hunah, an thutiam sawi rual te chu zawm tlat tura a duh thu a sawi a ni. Nurse hna chu hna zahawm a ni tiin, graduate tharte chu ruihtheih thil leh zuk leh hmuam laka inthiar fihlim turin a chah nghal a ni. Khuallian hian School of Nursing, Christian Hospital Serkawn-te hman tangkai turin cheng nuai khat a pe.
BCM General Secretary, Rev. F. Ramdinmawia pawhin BCM aiawh-a thu sawiin, School of Nursing, Christian Hospital-in a din tirh atanga vawiin hlenga hlawhtlinna ropui tak a lo neih thin dan leh Kohhran huang chhunga zirna kan neihte zingah a sulsutu a nih thu sawiin, zirlai te hlawhtlinna leh School hmasawnna te avangin thawktute leh zirtirlaite chungah lawmthu a sawi a, hun lo kal zel turah pawh hlawhtlinna chang zel thei turin duhsakna a hlan bawk. BCM President, Rev. H. Lianngaia’n Malsawmna-in inkhawm hi a khar a ni.
Nimin-a Graduation Progamme tan hma hian Christian Hospital Serkawn-a B. Sanghnuna Conference Hall sak thar chu khuallian-in a hawng nghal a. Rev. Lalbiaksanga, President Elect BCM chuan Pathian hnenah hlanin, he Hall sak nana cheng nuai 10 zet thawhtu, Pu B. Sanghnuna fapa, Pu David Lalchhuanawma chuan chhungkaw aiawhin thu sawiin a ni. B. Sanghnuna Conference Hall sak nan hian cheng nuai 13 bawr vel sen a ni.
B.Sanghnuna Conference Hall hawn leh GNM Graduation Ceremony zawh hian kalkhawmte puala chawhlui buatsaih chu kilho nghal a ni.
..................................
SCHOOL OF NURSING, CHS LIST OF GRADUATES 2017
| Sl.No | Name | Father’s Name | Address |
| 1. | Lalthannguri | Laltlanthanga | Salem veng, Lunglei |
| 2. | J.Lalenkawli | Rev. Lianruaia | Bawngkawn, Aizawl |
| 3. | Angelie Lalhmingmawii | J.Vanlalhminga | Lawngtlai – I |
| 4. | Vashti Rinmuanpuii | H.Remlalliana | Chanmari, Lawngtlai |
| 5. | R.Rosangzeli | R.Buangthanga | Zotlang, Lunglei |
| 6. | Lalmuanpuii Sailo | Lalrinmawia Sailo | Bazar veng, Lunglei |
| 7. | C.Lalhmangaihzuali | C.Jacoba | Serkawn, Lunglei |
| 8. | J.Lalmuanzuali | Kaptinthanga | Bawngkawn ‘S’, Aizawl |
| 9. | Samari Murmu | Jitan Murmu | Salem veng, Lunglei |
| 10. | Laltlanhlui | Lalthansanga | Laisawral |
| 11. | B.Lalmuanawmi | B.Lalfawnthanga | Mualcheng South |
| 12. | P.C. Rohluzuali | P.C.Malsawma | Muallianpuii |
| 13. | Esther Lalhlimpuii Murmu | Loren Kokhon Murmu | Jharkhan |
| 14. | Hmingthansangi | Sangchungnunga | Thingkah |
| 15. | Laldinsangi Sailo | Lianlula Sailo | Lengpui |
| 16. | Vanlalremruati | Rodingliana Sailo | Bawngkawn, Aizawl |
| 17. | H. Lalrinsiami | H.Lalramliana | Ramthar, Lunglei |
| 18. | Lalhuzami Khawlhring | K.Lalzarliana | Kolasib |
| 19. | Lalrindiki | Lalbiaksanga Hmar |
Bazar veng, Lawngtlai |
