Mizoram Baptist Kohhran leh Global Chin Christian Federation(GCCF) chuan Vawiin, March 7, 2017 chawhma dar 10:30 khan BCM Committee Hall, Serkawnah Meeting neiin thawhhona tura inremsiamna thuthlung, Memorundum of Understanding(MoU) an ziak. MoU ziakna-ah hian BCM puipte an tel kim a, GCCF lam atangin Executive Director, Rev. Indiana Cung Cin (Canada), Executive Secretary - Rev. Dr Hla Aug (Myanmar) leh Rev. Pa-Ni-Maung (Thailand) te an rawn tel. BCM aiawhin Rev. Lalthangliana Hnamte, President leh Rev. F. Ramdinmawia, General Secretary ten hming ziakin, GCCF lam atangin Executive Director leh Executive Secretary ten hming an ziak bawk.

Global Chin Christian Federation te hi khawvel pum-a Chin Christian( Kohhran pawl hrang hrang) inzawmkhawm an ni. An pawl thil tum ber chu, Chin Christian awmna apiang a Lal Isua Chanchin Tha puan darh leh Chin hnam te Pathian thutaka insuihkhawm leh inpumkhatna te,   khawvel puma Chin hnam te - taksa, rilru leh thlarau hmasawnna tura in tanpuitawn tura in thlunzawm an ni.

Mizoram Baptist Kohhran chuan a din chhan, Pathian ram a lo zauva, a lo ngheh a, a lo lan fiah deuh deuh theih nan theihtawpa hma lak zel a tum a, chumi ang chuan Christianna leh hnam ang pawha kan unau, Chin hnamte nena thawhho hi thil pawimawh tak niin a hria a ni.

[caption id="attachment_10227" align="alignright" width="300"]    BCM Puipate leh GCCF hruaitute[/caption]

An thuhtlung-ah chuan - BCM leh GCCF te chu rawngbawlna kawngah theih ang ang a intanpui tawn leh a tul ang a sum leh pai-ah pawh inpuihtawn te; Khawvel pum-a Chin-Mizo hnamte te inzawmna tha kan neih theih nan leh; Thalaite hmasawnna kawng dap sak tura hma lak te; a tul anga Chanchintha hrilh kawnga intichak tawn tura Training leh Seminar buatsaihho te;  Conference leh Assembly in chhimtawn te; Education leh Medical rawngbawlnakawnga theihtawpa intanpuitawn dan kawng dap te a ni.

He thawhhona thuthlung hi kum 5 danah ennawn leh thin a ni ang.