BCM Leaders with GIA Global Consultant, Mark Holt[/caption]
Global Interaction, Australiaย (GIA)hruaitu pakhat Mark Holt, Global Consultant for Practical Evangelism chuan August 15-19,2018 hian Mizoram Baptist Kohhran rawn tlawhin Serkawn-ah a cham mek a, a cham chhung hian BCM hruaitute nen inkawmna an nei ang a, Mizoram Baptist Kohhran nena Mission rawngbawlnaa thawhhona te leh rawngbawl zel dan tur te an sawiho ang. Programme anga a kal theih chuan Pathianni thleng Lunglei-ah a cham ang a, Thawhtan-ah Lunglei chhuahsanin a haw leh ang.
[caption id="attachment_12657" align="alignright" width="211"]
GIA GlobalConsultant Mark Holt[/caption]
Global Interaction, Australia(GIA) leh Mizoram Baptist Kohhran (BCM) hi Mission rawngbawlnaah kum 1968 atang vawiin thlengin an la thawk ho mek a. Australia Baptist Missionary Society(ABMS) tih hming pu-in Kum 1958-ah Assam Rabha ho zingah rawngbawlna an tan a, kum 10 zet an awm hnu-in Rabha ho zinga an rawngbawlna chu chhuahsan a lo ngai ta a.
An rawngbawlna chhunzawm tur hian BCM an rawn ngen ta a ni. Kum 1967-ah BCM aiawhin Rev. KT Chungnunga leh Upa RT Bawia te tirin a hmunah an zu enfiah a, kum 1968-ah Mizoram pawna BCM Misionary hmasa ber ni turin Rev. Rokhama te chhungkua chu tirh an ni ta a ni. Anni hian ABMS (Tuna GIA) ho rawngbawlna chu chhunzawmin Ringthar leh Kohhran thar tam tak an zu siam ta a, vawiin thlengin Assam ram chhunga Mission hmun pawimawh leh Kohhran thang duang ber an lo ni ta a ni.
Tunah chuan Rabha hnam zinga Kohhran mumal taka in din chhovin, anmahni khaikhawm turin Rabha Baptist Unionย (RBU) hial an din ta a ni. RBU leh BCM thawhhona-in vawiin thlengin BCM chuan he Field-ah hian Missionary a la dah ve ta zel a ni.
[caption id="attachment_12656" align="alignleft" width="300"]
BCM Gen. Secretary -in Mizo Ipte Chei a pe[/caption]
Australian Baptist Missionary Society (ABMS) tih chu Global Interaction, Australia (GIA) tiin a hming an thlak hnu-ah pawh Foreign Mission hrang hrang-ah thawhhona nei zui zelin, China te, Thailand leh Indonesia-ah te BCM nen an la thawkho ta zel a. Tunah hian GIA nena thawhhona-in Thailand-ah Rev. Carey Vanlalmuana te chhung, Rev. Thangridema te chhung leh Rev. Lalrinmawi Renthlei te chhungkua awmin, South East Asia Mission lamah Rev. H. Lalfakzuala te chhungkua an awm mek a ni.
