Rev.H.Lianngaia, General Secretary[/caption] July 7-11, 2014 chhunga Turkey rama BWA General Council Meeting-a tel turin General Secretary, Rev.H. Lianngaia chuan tukin, July 3, 2014 han Serkawn a chhuahsan ta.
Hetihlai hian, kar hmasa lama kan rawn tarlan - BCM President, Rev. H. Sangchema chuan Visa a hmuh theih tak loh avangin a kal thei ta lo a ni. GS hian programme ruahman anga a kal theih chuan Zanin-ah Aizawl riakin Naktuk (Zirtawp)-ah Delhi panin a thlawk ang a. Delhi-ah hian Kohhran thil pawimawh leh a zinna atana thil tul te tiin ni khat a cham ang. Pathianni zing-ah New Delhi atangin Turkey a pan ang a, tlaiah Inkhawmpuina hmun tur Izmir (Bible-a Smurna khua), Turkey a thleng ang a, July 7-11 chhung Meeting an nei ang a, July 12 (Inrinni) ah BWA palai zawng zawng hian Ephesi khua an tlawh ang. July 15-ah Mizoram rawn thleng leh tura beisei a ni.
