General Secretary Aizawl leh Bhubaneshwar-ah
BCM General Secretary, Rev.H. Lianngaia chu nimin khan Bible Society of India, Aizawl Auxilliary Committee- February 22 (Inrinni)-a neih neih tur nang hman turin zing-ah Serkawn a chhuahsan ang a, Pathianni chawhma inkhawm - Thanksgiving Service, Bungkawn Presbyterian Biak inah thu a sawi ang. Thawhtan-ah Mizoram chhuahsanin February 25-28, 2014 chhunga Compassion East India meeting, Bhubaneshwar, Odhisa-ah BCM aiawhin a tel chhunzawm nghal dawn a ni.....
President-in Guwahati-ah Conference Hall hawng
BCM President, Rev.F. Sangvela chuan nimin, February 20, 2014 khan Guwahati Baptist House chhawng chung bera Conference Hall sak thar chu Pathian hnenah a hlan. He Conference Hall hi Kohhranho Pathian biak inkhawmna atana hman nghal tur, changkang taka duan a ni a, mi 100 zet len theihna tur a ni.
Kohhran hruaitute Seminar & Retreat
Naktuk, February 22 (Inrinni) hian Chawngte Pastor bial chuan Shalom Biak in, Chawngte ‘P’ ah Kohhran ruaitute (Upa &Rawngbawltu) pualin Seminar an nei dawn a; Headquarters atangin Pastoral Coordinator, Rev.R. Zohmingliana’n a hmanpui ang. Coordinator hian Pathianni-ah bial chhung Kohhran hrang hranga a tlawh nghal beisei a ni. February 22 (Inrinni) vek hian Thingkah Kohhrana Upa &Rawngbawltu leh FOD hruaitute pualin Retreat an nei dawn a, speaker atan Upa C. Lalbiakthanga HA,ES Office, Lawngtlai an hmang thung ang.
Education Sunday February 23
February 23, 2014 hian Mizoram Baptist Kohhran Biak In tinah he Ni pual hian hawhma inkhawm-ah hun hman a ni ang.(Read More)
Chhipphir Bial TKP Inkhawmpui
Chhipphir Pastor bial TKP chuan February 21-23, 2014 hian Chhipphir Biak inah inkhawmpui an nei mek a. Speaker atan FOD Director, Rev.KV. Thanga an hmang. MTKP hruaitute atangin Pu Laltholeha Chhakchhuak, Thalai Entu Editor-in a tawiawm
Pangzawl Bial Zaipawl Zemabawk bialah
Zemabawk Bial BKHP chuan February 21-23, 2014 hian inkhawmpui an nei mek a; speaker atan Pangzawl bialtu pastor, Rev.H. Lalengmawia an hmang a. Speaker hi Pangzawl bial Zaipawl te chuan zaia rawngbawlna nei turin an tawiawm.
Evangelist team Speaker inthlak
BCM Recognised Evangelist team zinga mi Simna Tlangau speaker, Upa K. Zatawna chu a hriselna a that loh avangin a hmunah Upa R. Kaptluanga, Lunglawn chu ruat thar a ni.
R&D Director Thailand-ah
February14-25, 2014 hian Frontier Labourer for Christ hote hnenah Zo-clinic leh Project planning training neih puiin Pu MS.Dawngliana, Director R&D chu Chiangmai, Thailand-ah a kal.
