Kan tarlan tawh angin General Secretary, Rev.H.Lianngaia chu July 2-7, 2012 chhunga BWA General Council Meeting, Chile khawpui, Santiago, South America-a neih mekah BCM aiawhin a kal a. July 6 (Zirtawpni) hian USA, Indianapolis-a Vawiin atanga Pathianni hmangin Chin Baptist Church Inkhawmpui a hmanpui ang. Kan General Secretary hi CBC hian a kal man leh USA a cham chhung tum sak vekin rawngbawlhona tur kawng an zawng nghal dawn a ni. Karleh, Thawhtanni hian Washington DC an pan ang a; chu mi zawh July 11 hian New York an pan leh ang a; July 14, (Inrinni) hian New Delhi a rawn pan ang a, Ni 18-ah Lunglei lo thleng tura beisei a ni.
Zemabawk bialah Leadership Training leh Zai Kutpui
Zemabawk Pastor bial chuan Vawiin Zirtawpni atanga tanin an bial chhungah programme chhawng hnih an hmang a. Resource person/Speaker atan FOD leh Worship & Music Director Rev.R. Lalbiakliana an hmang. Vawiin Zirtawpni hian Bial TKP buatsaih Leadership Training & Seminar, Zemabawk Biak inah an nei ang a. Inrini leh Pathianni hmang hian Worship & Music Committee buatsaihin Thuampui Biak inah Zai Kutpui an hmang chhunzawm dawn a ni.
Hnahthial Electric Kohhranah Siamtharna Crusade
Hnahthial Electric Veng Kohhran chuan July 7-8, 2012 hian Siam tharna Crusade an buatsaih a. Speaker atan Rev.Dr.K. Thanzauva hmangin Missionary, Pu C. Pachhunga te chhungkuain an tawiawm a. Pathianni zan inkhawmah Fakna leh Damna inkhawm buatsaih an tum. Hnahthial Electric Kohhran atang hian Electric North Kohhran an indang a, hemi avang hian anni hi Electric South an ni kher lo tih Kohhran mipuite hriatpui se an duh thu an sawi.
Lawngtlai Immanuel-ah Harhtharna Crusade
Lawngtlai East bial Immanuel Kohhran chuan July 3-8, 2012 chhung hian Harhtharna Crusade an nei mek a; speaker atan Pro Pastor V.L. Nithanga an hmang.
HATIM Result a thaย
Mizoram University-in tun hnaia B.Com. Result a tihchhuahah HATIM an che tha leh hle a. Honours-ah Candidate 5 neiin First Division-ah 3, Second Division-ah 2 an tling a, General-ah 2 in an passed bawk.
