July 15, 2016 khan General Secretary hovin, AGS Mission, Executive Secretary, Aizawl leh Property Manager chuan Aizawl lama BCM building sak hna hrang hrang - AICS Quarters, Baptist Centre leh Executive Secretary Office(Baptist House,Khatla) a building sak lai te a hmunah enin an tlawh a. Tin, kumina BCM-in Biak In hmun tur ram an lei thenkhat te a hmunah an en kual nghal bawk. General Secretary, Rev. F. Ramdinmawia chuan heng BCM hmalak mekna hmun hrang hranga awmte hi Kohhranhote thahnemngaihna avanga awm thei a ni tih sawiin lawmthu a sawi a, sum awm dan a zirin theih ang tawka chaka bawhzui zel a nih tur thu a sawi.
Naktuk, July 20, 2016 hian General Secretary leh Property manager Pu Victor Lalrinawma Lawngtlai a Property lama hmalakna hrang hrang en turin vawiin tlai hian Lawngtlai an pan leh dawn a - Executive Secretary Office (Baptist House, Lawngtlai) sak chhunzawm dan tur te, Christian Hospital, Lawngtlai Main Building hmalak zel dan tur te an nefiah ang. Naktuk lamah Medical Superintendent CHS Upa Dr. B. Laldinliana’n tawiawmin an ni hi a zawm ve ang.
