BMP Meet Pandal, Thingsai[/caption]
BMP Meet 2020, Thingsaia lo awm tur atana inbuatsaihna kal mek enpui tur leh TV-a Live-a pek chhuah dan tur ruahmanna neihpuiin FOD Director, Rev. F. Ramdinmawia,(BCM General Secretary ni bawk) leh Pu C. Lalhmachhuana BCM Audio Visual Manager, Pu C. Lalengkiama, Production Assistant leh Pu B. Malsawmkima, LDC, FOD te chu January 16 khan zan khat riakin Thingsaiah an kal a, a tuk ningani khan an lo haw veleh ta.
BMP Meet 2020 atan hian a dawltu Tingsai pastor Bial teย inpuahchahna a tha hle a. Sub Comt 13 siamin, Pandal sak nan hian tha 900 chuang hlek sen a ni tawh a. Reception Committee pawh mikhual 4000 thleng turin an inbuatsaih. Zanah BCM Thinhsai Inkhawmin, General Secretary-in thuchah a sawi.
Inkhawm banah Pu Thangbawnga Hall, BCM Thingsai,-ah Inkhawmpui Organising Committee te leh Sub.Committee 13-a hruaitu te nen in rawn khawmna (Consultation) neih a ni a, Organising Chairman, Bialtu Pastor ni bawk Rev.F.Ngursailova'n meeting a kaihruai a, Inkhawmpui Organising Committee leh Sub. Committee hrang hrang te hmalak tawh dan leh ruahmanna te ngaihthlak a ni.
Report hrang hrang atangin BMP Inkhawmpui dawltute an inbuatsaih nasa hle a, ruahmanna pawh zawh fel thawkhat ni tawhin, ruahman belh ngai te leh hmalak dan tur te sawiho nghal a ni a, Meeting hlawk tak neih a ni.
Tarlan tawh thin ang khan,ย Mizoram BMP Meet hi Kum 3 danah neih thin a ni a, Tun hi vawi thum neihna tur niin, February 7-9, 2020 ah Thingsai-ah neih a ni dawn a, Rokhawlhna dangin a tlakbuak a nih loh chuan BMP Meet Programme hi LPS leh Zonet Cable ah live-a pek chhuah tum a ni.BMP Meet 2020 lo awm tur atana palai kal tur tena kan hriat tur pawimawh a kalkawng chungchang leh a hmunhma awmdan te inkhawmpui inbuatsaihna report kimchang hi karleh lamah Khawnvar Channel leh BCM Youtube Channel-ah te pek chhuah tum a ni.
Download: BMP Meet 2020 Programme
