Vawiin April ni 15 (Nilaini)zing dar 9:30 khan Formosa Foundation India chuan Christian Hospital Serkawn hman atan Ventilator a pe. Covid hripuiin min tuam lai pawh khan CHS hi Ventilator pahnih leh Medical equipment chi hrang hrang  an lo pe tawh a ni.
Ventilator hlanna hi Hospital Chapelah neih a ni a, Upa Dr.B Laldinliana, Director Medical and Health Department-in a kaihruaia, Rev Dr. H Lalthlamuana, General Secretay BCM leh Formosa Foundation India Chairman  Pu Jonathanate'n thu tawi an sawia. Dr.HS Lalchungnunga,Medical Superintendent, CHS. hnenah, FFI Clinton Sherwood-an ventilator a hlana, Rev Zabiaka Hospital Chaplain-in Khawl hlan ṭawngṭaina leh Malsawmna-in kal khawmte a ṭin a ni.