September 13-14, 2012 hian Sap Upa leh Pu Buanga Hall, BCM Office-ah BCM Finance Department chuan Auditor-te kaihhruaina hnuaiah Department tina Account vawngtute pualin training a buatsaih a. Kum kal ta (2011-2012) review-in kum kal mek (2012-2013) dinhmun an thlir a, kum thar 2013-14 Financial Year lo awm tur budget siam dan turte sawiho a ni bawk.

He Training-ah hian Department Head te bakah Department tina sum khawihtu - Accountant, Cashier te bakah, Executive Secretary Aizawl leh Lawngtlai -a sum khawihtute, Institution hrang hranga sum khawihtute leh Institution Head te an lo kal a.  Department hrang hrangte hi darkar chan inchhawkin  Training hi an nei a ni. Ruahman ang chuan Vawiin hian zawh hman tum a ni.