BCM-in Account a vawn leh enkawl kawnga awlsam zawk leh chak zawka kalpui a nih theih nan, BCM E. Finance Software siamin hun engemawchen hman a ni ve leh ta a. Hemi chungchangah hmasawnna tur leh thil tha zawk dapin siamrem zel a ni a. Hemi chungchang sawiho-a hian kar hmasa khan Finance Director, Rev. Lalramngheta Chhangte chu Software siamtu Lailen Consultancy, Aizawl te nen meeting an nei.
He Meeting-ah hian Tuna E.Finance atana hman Software hi Online Mode-a design a ni a, tangkai taka hman a nih laiin, Internet awm mumal lohna leh remchan loh hun te a lo awmin harsatna tam tak a lo awm thin a. Hemi avang hian Offline Mode siam leh ni se tiin BCM Accounts kalphung nena inmil tur leh awlsam zawk turin ruahmanna an siam a ni.
He ruahmanna bawhzui hian Software siamtu te chuan hma la nghalin, tunkar Ningani khan Offline mode hmanga account khawih theih turin Software pawh upload fel a lo ni ve leh ta a ni. Tun atang chuan Network awmloh lai leh remchanlohna hmun atang pawhin BCM Accounts te chu Offline Mode-in khawih theih a ni dawn ta a, Account update & report te pawh Offline Mode a update theih a ni tawh dawn a, Offline a account update te hi Network awm hun-ah a in update nghal zel dawn a ni.
