December 8 leh 9 (Nilaini leh Ningani) khan Mizoram Baptist Kohhran, Financeย & Pension Committee Meeting Sap Upa leh Pu Buanga Hall, Serkawn-ah neih a ni a, Committee hi President, Rev. V.Laldinglianaโn a kaihruai a, General Secretary Rev. F. Ramdinmawiaโn BCM sum report tlangpui a pe.
General Secretary report chuan Meeting hmasa a Budget revise remtih te chu bawhzuiin ruahman fel a nih thu te, Internal Auditors ten kum 2019-2021 BCM account leh 2020-2021 Field Account audit pawh zawh a nih tawh thu te, Statutory Auditors ten BCM account hrang hrang an audit mek thu te a tarlang a. Provident Fund (PF) leh Employee Saving Scheme atan Software siamin hman tan mek a nih thu te, Christian Hospital Serkawn-a Oxygen Plan siamna atan MLA pangate atangin cheng nuai 20 dawn a nih thu leh hna thawh mek a nih thu te, Accountant thar pakhat lak fel a nih thu te a tarlang bawk. Heng bakah hian Finance Report hrang hrang te, Annual Plan Achievement Report te, Internal Audit Report te pawh ziaka sem a ni.
An thu ngaituah tlangpui-ah kum kal mek atana Supplementary Budget dilna hrang hrang te ngaihtuahin, Post ruak hnawhkhah dilna te, Post thar hawn dilna, Department hrang hrang Plan leh Budget 2021-2022 te an thlir bawk. Heng Post hnawhkhah chungchang te, Post thar hawn dilna te, Budget ruahmanna te hi Assembly 2022-a ngaihtuah turin a thlen chho leh dawn a ni.
