Mizoram Baptist Kohhran Headquarters Office, Serkawn-a thu turin Finance Director thar Upa S. Hmingthanga chuan October 1, 2013 khan a hna a rawn zawm ta. Upa S. Hminga hi Mizoram sawrkar Department hrang hranga hotu chan chang, finance lam khawih thin a ni. A pension hnuin Kohhran mamawhna avangin Contract-in Finance Director hna pawimawh tak hi a thawk dawn a ni.

Mizoram Baptist Kohhran Constitution, Part II-Bung 5 :27 

8)         Finance Director mawhphurhna leh tihtûrte:

a)         Finance Department-ah mawhphurtu ber a ni ang.

b)         General Secretary enkawlna hnuaiah a thawk ang.

c)         General Secretary thurâwn petu leh finchhuahtu a ni ang.

d)         Financial Planning leh Management chungchângah hmalatu ber a ni ang a, a thil ruahmante chu General Secretary nên ngun taka an endun hnuah Finance Committee-ah a thlen thin ang.

e)         Kan chênna ram (India) dân hrang hrang, Kohhran (NGO) in kan zawm tûrte kalh lovin BCM sum a enkawl ang.

f)          BCM Head Office sum enkawl chungchângah Joint Signatory tûlnaah chuan signatory pakhat a ni ang.

g)         Finance Director a nih angin Finance Administration fel tak leh tha taka a kal theih nân Finance Department enkawlna kawngah hotu ber (Administrative Head) a ni ang a, thawktute hnathawh dân a enpui ang a, a tûl dân ang zêlin hnathawh tûr a siamsakin, a kaihruai ang.

h)         Budget allocation atangin percentage inangtlâng thei ang berin sum pêkchhuah tûrin a ruahman ang a, General Secretary remtihnain a pe chhuak thin ang.

i)          BCM Department hrang hrang sum  hmuh dân leh hman dân a enpui ang a, budgetary control thla tinin a dawng ang a, Department hrang hrang management that leh that loh uluk takin a enpui ang.

j)          Department management siamthat tûl nia a hriat chuan General Secretary hriatpuiin siamtha tûrin hma a la ang.

(k)        Sum hnâr nghet siam leh sum tihpunna (investment) a ngaihtuah ang.

(l)         Revenue expenditure, Nominal Item-ah chuan DDO a ni ang.