January ni 29 & 30 khan Family Health International (USA) aiawh in, India rama an hruaitu te BCM nena thawh hona kawng zawngin, BCM Headquarters Serkawn ah an rawn kal a. Family Health International hian USA ah an hmunpui nei in, USA sawrkar in an hnathawhna tur sum an mamawh zawng zawng pawh tum sak in Khawvel ram hrang hrang ah hmun neiin rawng an bawl a ni.
India ram ah pawh New Delhi ah Office neiin, India ram State hrang hrang ah mipui hriselna kawnga zirtir leh HIV Aids darh zel tur venna leh a vei mek te enkawlna hna an thawk a ni. Family Health International (USA) te hian Mizorama HIV Aids darh chak lutuk hi vei in Mizoram ah pawl (NGO) thawhpui tur rintlak rawn zawngin, thawhpui atan BCM min rawn sawm a ni.
Family Health International atang hian Mizoram State Co-Ordinator leh New Delhi-a an hotu mi pahnih rawn kal in, BCM hruaitu te General Secretary leh Director Social Concern bakah hotu dang ten lo dawng sawng in thawh ho dan tur kawng ngaihtuahin Meeting neihpui nghal an ni a. BCM Committee sang zawk ah thlen chhoh a, thawh ho dan tur ruahmanna te siam a ni dawn a ni.
