October 28, Ningani khan Fellowship Department Committee Meeting Sap Upa leh Pu Buanga Hall, Serkawn ah neih a ni a, Meeting hi President-Elect Rev. Dr. R. Zolawma'n kaihruai in Report hrang hrang ngaihthlak a ni.
Rev. F. Ramdinmawia Director Fellowship Department report in a tarlan dan in Mizoram Baptist Kohhran Mipa Pawl hruaitu hmasa ber te lakluh an nih ni, September 7, 2021 chu MBMP Din Ni atana pawm a ni a, Fellowship Department Inkaihhruaina etha tura Committee member 5 awmna siam a nih thu leh, Inkaihhruaina pawh enthat a nih hnu ah Assembly Executive Committee in a pawmpui thu leh siamthat ngai hlek te siam a nih hnu a hman nghal theih a nih thu tarlan a ni.
MTKP Secreatry, Rev. K. Lalbiakenga hnen atangin MTKP Inkhawmpui 2022 Lunglawn-a neih tura tih chu thulh a nih thu ngaihthlak a ni a, BCCC tana MTKP in cheng nuai 1 an pek thu te, Voluntary Blood Donations kalpui chhunzawm reng a nih thu leh October 15-17 chhunga SSBATKP, Tripura-a MTKP aiawha mi pahnih an kal thu te a tarlang.
MBKHP Secretary, Nl. Lalhmingmawii Chongthu hnen atangin Missionary Support cheng nuai 2 leh sing 2 pek tlak a nih tawh thu te, Kumin 2021 MBKHP thuzir exam zawhna Bial tinah thawn chhuah mek a nih thu te leh November ni1 a Khawvel Pum Huap Baptist Kohhran (Baptist World Alliance) Hmeichhe tawngtaini ah MBKHP Unit tin ten Tawngtaina hun an hman ve tur thu te ngaihthlak a ni.
MBMP Secretary, Rev. C. Chhuntluanga hnen atangin Mizoram Baptist Kohhran Mipa Pawl (MBMP) chu September ni 7 ah din a nih tak thu leh Executive Committee Member pawh ruatfel an nih tawh thu ngaihthlak a ni a. Mizoram Pum Huap Inkhawmpui hmasa ber 2023-ah Hnahthial-a neih a nih tur thu a tarlang.
Promoter KNP, Pi PS Lalhmingthangi hnen atangin Kum kallai (2021-2022) chhungin November 2021, January leh February 2022 ah te Pastor Bial Pathum Vairengte, Siaha West leh Tuiphai Bial ah te KNP Hruaitu te puala Trining buatsaih a nih tur thu ngaihthlak a ni bawk.
Meeting thurel zing ah- BKHP din chhan siam that te, Junior TKP chungchang te, KNP leadership training cum Awarness Campaign leh 2023 KNP Thuzir chungchang te ngaihtuah a ni a. Heng bak ah hian Assembly Execuitive Committee in a thuphunga a pawm Fellowship Department Inkaihhruaina pawh siamthat ngai lai te siamthat nghal a ni bawk.
