February ni 4, tunkar zirtawp khan Rev. Dr. R. Lalthanmawia, Executive Secretary Aizawl leh Rev. Hrangaia hmar, Bialtu Pastor, Aizawl East Bial te chu Sakawr dai kohhran Silver Jublee hman puiin an kal a, Sakawrdai Kohhran Silver Jublee lawmna-ah hian Executive Secretary hian thuchah sawiin, Nl. KC Vanlalzamin zai a rawngbawlna a nei bawk a ni.
Rev. R. Lalnunzira hovin Damdep Pastor Bial Kohhrante an tlawh
Tunkar Thawhṭanni leh Thawhlehni (February 1-2, 2021) khan Rev. R. Lalnunzira, Executive Secretary, Pro.Pastor Vanlalrema renthlei leh Kohhran Upa pali te chuan Lawngtlai area chhung, Parva Bial leh Damdep Bial te an tlawh.
Thawhṭan zanah BCM Parva III ah inkhawm-in E.S hian Pathian thuchah a sawi a, inkhawm banah inpawlhona neiin, Kohhran report te ngaihtlak a ni.
Thawhlehni zing karah BCM Silo, Parva Biak In sak lai a tlawhin, Biak In sak nana BCM-in ṭanpuina pawisa a pek an hman dan report ngaihthlak a ni a, Biak In hi a dung 60 ft (Varanda telin) a vang 32ft in an sak mek a ni a, a ban RCC a chhungin, thingzai hmanga sak chhunzawm a ni. BCM Silo Parva-ah hian kohhran member 95 an awm mek a ni.
Thawhleh ni vek hian BCM Damdep II ah zingchaw eiin Damdep II Biak In ram a enpui a, ram pass siam rem ngai hmalakpui dan tur leh Damdep Pastor Quarters repair hna thawh mek pawh an en nghal a, hemi zawh hian Vaseikai-ah phei lehin, Vaseikai Biak In sak lai an en nghal bawk. Vaseikai Biakin sak ṭanpui nan hian headquarters chuan ṭanpuina a lo a pe tawh bawk a ni.
