Mizoram Baptist Kohhran, Assembly Executive Committee Meeting Ni hnih awh tura ruahman chu, a ni khatna, nimin  August 29, 2018  khan zawh fel a ni ta.  He Meeting hi Serkawn Biak In-ah neiin Committee member 193 an kal.

Meeting hi Rev. Lalbiksanga Chinzah, BCM president-in a kaihruai a,  Pathian thu chhiarin tanna hun leh Devotion hun a hman zawh-ah General Secretary, Rev. F. Ramdinmawia’n Committee peng hrang hrang rawngbawlna report tlangpui a pe.

Tun tum Committee-ah hian Agenda langsar leh lian tham a awm hran lo va, an thu rel langsar zual te chu hengte hi a ni:-

[caption id="attachment_12752" align="aligncenter" width="720"] Assembly Executive Committee Meeting August 29, 2018@Serkawn[/caption]

1. BCM Certificate ennawn thu: BCM Assembly 2018 chuan ‘BCM-in certificate hrang hrang a hman mekte hi a tul angin siamthat nise, Administrative Committee-in lo bawhzui se,’ tia thu dah chu Administrative Committee No. 93 chuan simthat \ulte lo enfel turin mi 3 a ruat a. An siam\hatna chu Administrative working Committee-ah thlen a ni. Administrative Working Committee chuan a pawm hnuin Executive Committee-ah a report chu pawm a ni.  Hetiangin:- – 

a) Inneih Certificate: Tuna kan hman lai hi ngun takin en a ni a, “Tuna kan neih lai hi a la tha rih e,” tih a ni.  

b) Nauhlan leh Baptisma Certificate: Hengahte hian Nu hming ziakna siam tel nise, “Pian kum’ tihah hian, ‘Pian ni leh kum’ ti-a siam that nise,” tih a ni. A bak hi chu a tha e, tih a ni.

2. Pay Commission hming tih danglam thu : Tuna Pay Commission kal mek hi “11^th Pay Commission 2018’ tia hming vuah nise tih rawtna chu pawm a ni.

 3. Asian Pacific Baptist Youth Conference-a May 23 – 26, 2019, Philpines-a neih turah Zaipawl tirh ve ni se “Tuna BCM choir ni mek hi kal se,” tih a ni. 4. Serh leh sang khawih theihna pek thu. Mission Committee-in Missionary 3-te hnena serh leh sang khawih theihna pek a dilna chu remtih a ni, chungte chu:- 1) H. Hrangchhuana, Evangelist, Galajora, Assam Field. 2) C. Pachhunga, Evangelist, Tirbin, Arunachal East Field 3) K. Lalchungnunga, Evangelist, Tinsukia Aruanchal Far East Field

5. BCM Mission Field tlawh dan tur inkaihhruaina: BCM Assembly 2018 (Thurel 5.20) chuan BCM Mission Field tlawh dan tur inkaihhruaina hi Mission Board-in lo ruahman se a tih angin ruahmanna siam a ni a, ruahmanna chu ziaka sem a ni a. Mission Board hian sawihona eng a\angin siam \hat ngai leh chulmam ngai laite lo enzui se, January Executive-2019 ah thlirho nise tih a ni.

6. ‘Private-a missionary chawm dan policy’ Assembly 2018-in Mission Board kutah ‘Private-a missionary chawm dan policy’ siamthat hna’ a pek thu leh committee-in rawtna a siam chu ziakin sem a ni. Sawihona hrerengin Mission Board-in lo chulmam leh se, January Executive-ah rawn thlen se tih a ni.

7. Sap Upa leh Pu Buanga thlan atan sum ruahman belh: Assembly chuan Sap Upa leh Pu Buanga thlan siam nan hian Tualchhung kohhranah appeal a siam tawh thu leh, hei hian a daih loh deuh avang Supplementary budget Rs. 10,00,000 (Nuai sawm) siam belh ni se tih a ni.

 8. BHSS Principal Ruat Thar Chunchang: Upa Lalrinmawia, BHSS Principal ni mek chu 31.10.2018 hian sawrkar lam atangin a retire dawn ta a. Hun a laklawh avangin Nomination Committee chuan Interim period (i.e. November 2018 – March 2019) chhûnga Principal atan Pu R. Zosangliana a thlan thu a report a, pawmpui a ni.

....................

Download: Report