Mizoram Baptist Kohhran Assembly hnuaia Rorelna sang ber, Assembly Executive Committee Meeting ni hnih awh January 21-22, 2015 chhunga Sap Upa leh Pu Buanga Hall, BCM Headquarters Office Serkawn-a neih chu, vawiin khan tluang takin an zo ta. Tuntum Executive Committee-ah hian Rorel Palai Committee member 167 an kal. Meeting hi Rev. H. Sangchema, BCM President -in a kaihruai a, General Secretary Rev. H. Lianngaia’n report tlangpui a pe. Tun tum Executive Committee-ah hian Assembly 2015-a thlen chhoh tur Agenda leh Department hrang hrang Budget leh Planning te an thlir ho a ni. Heng te hi an thu rel langsar te a ni:-
1) Nomination Committee Member thlan thar te.
- Upa C. Sangliana
- Upa C. Hrangdula
- Rev. F. Sangvela
- Rev. Dr. Raltawnga
- Rev. R. Zohmingliana
- Rev. KV Thanga
- Rev. R. Lalbiakliana
- Rev. V. Vanlalchhunga
- Rev. Pc Liandula
- Rev. LB Khawpuimawia
2) Pro Pastor thawk lai, 2015 Assembly-a Minister atana nemngheh turin heng a hnuai ami te hi thlan an ni:-
1) F.P. Lalnunrema
2) Lalfamkima
3) Andrew Lalhmachhuana Fanai
4) Hmingthanzama Chawngthu
5) V.L. Nithanga
3) FP Lalthathanga, Arunachal West Field-a Missionary (Evangelist) thawk lai chu Serh leh sang khawih theihna pek remtih a ni a. Remlalliana Fanai, Ghana, S.Africa-a Missionary thawk lai chu Pastor atan ordain remtih a ni bawk.
4) BBC leh CBC Ordain Pastor-te pawm dan tur Ruahmanna chu Assembly-ah report tur pawm a ni, hetiangin:-
1) BCM Assembly ordain nilo, BBC leh CBC Assembly-in a ordain Pastor-te hi an ordination pawmpui (recognized) nise.
2) BCM-ah chuan Sacrament (Lalpa Zanriah leh Baptisma) te hi chu an khawih thei lovang.
3) Heng rawngbawlna- Thu rawngbawlna, Inneih, Nauhlan etc ah chuan Bialtu hriatpuiin Tualchhung Kohhranten rem an tih chuan hman theih an ni ang.
4) BCM Committee hrang hranga BCM Minister te Ex Officio member an nihna ang chu an ni ve lovang.
,
5) St James High School, Higher Secondary School-a upgrade rawtna leh ruahmanna chu Assembly-ah thlen chhoh remtih a ni.
4)Private-a Missionary rawihte hlawh lak dan enthat thu leh ruahmanna pawm a ni,
6) Kum 2008-a BCM Assembly-in Pastor Nupui Sawrkar hnathawk mekte, Kum 2015 atanga bang tura thu a lo dah tawh hi tih danglam nise ti thu Tlabung Bial atanga lo lut chu Assembly-ah an rawn thlen ang hian thlen chhoh tura dah a ni.
7) Heng ahnuaia Post hawn dilna te hi an rawn dil ang hian Post hawn remtih a ni a, Assembly 2015-ah thlen chhoh ni se tih a ni :-
| S.No | Name of Post | Nature of Post | No of Post | Department |
| 1. | Pastor | Substantive | 8 | Pastoral |
| 2. | Doctor Specialist | Substantive | 2 | Medical & Health |
| 3. | Medical Officer (MBBS) | Substantive | 1 | Medical & Health |
| 4. | Librarian | Temporary | 1 | Theol. Education |
| 5. | Accountant (HATIM) | Temporary | 1 | Education |
8) Post hum dilna : Heng ahnuaia Post ruak te hi hum remtih a ni.
| S.No | Name of Post | Place of Post | Nature of Post | Name of Worker |
| 1. | Peon | R & D | Temporary | Pu C. Lalthanmawia |
| 2. | Evan Teacher I | Mission | Substantive | Pi H. Lalrinpuii |
| 3. | Accountant -1 | Hqrs.Office | Sunstantive | Upa R. Lalbiakmuana |
Finance Committee-in Kum 2015-2016 Budget leh Planning a ruahman chu , Assembly-a thlen chhoh turin pawm a ni a, BCM Budget pumpui atan Rs.632,155,600.00 niin kum hmasa aia a sanna chu Rs. 70,529,300.00 (12.56%) a ni. Hetah hian Kohhran thawhlawm (Church Contribution) tur chu Rs. 399,516,700.00 niin nikum aia a punna Rs. 47,464,800.00 (13.48%) a ni a, Department thawhchhuah tur (Department Contribution) chu Rs, 232,638,900.00 a ni a, kum hmasa aia a punna tur chu 23064500.00 (11.01%) a ni ang.
