Mizoram Baptist Kohhran Assembly hnuaia Rorelna sangber, Assembly Executive Committee Meeting chu nimin August 26, 2015 (Nilaini) zing dar 10:30 khan Serkawn Biak In-ah an nei. Meeting hi Rev.C. Ngurhnema, BCM President -in a kaihruaia, General Secretary Rev. H. Lianngaia’n report tlangpui a pe a, Rorel Palai member kal thei chin hi mi 200 vel an nih laiin palai chhiar lai hian member 180 an ni. Executive Committee Meeting hi nihnih awh tura duan ni mahse, nikhatna-ah an zawh theih tak avangin Committee hi an tiak nghal a ni.
Nimin Rorel-ah Ugenda langsar leh thu thar a awm tehchiam lo va, Department thurel leh thu bawhzui mek te report leh sawihona hun atan an hmang deuh ber. An thurel langsar deuh te chu hengte hi a ni:-
1. Naupangte Ni November Pathianni vawithumna ah hman remtih a ni.
2. Thawktute tan Conduct Rules siam rawtna chu tha tih a ni a, Assembly 2016-ah Write-up/Conduct Rules nen ngaihtuah turin thlen remtih a ni.
3. Thawktute DA contract Workers te hlawh pun dan tur ruahmanna Finance Committee-in a siam chu pawm a ni. Hetiangin:
(a) Substantive&Temporary -a thawk te kum khatah vawi hnih pungin April-ah 6% leh October-ah 8% (kum khatah 14%)
(b) Contract - kum 2015 ah vawi khat - April -ah pungin, 2016 atang chuan vawi hnih tih pun ve tawh tur a ni ang.
(c) Native Workers te chu kum khatah Rs. 1500 aia tam lo-in tihpun remtih a ni.
General Secretary Report
Baptiist Church of Mizoram Assembly Executive Committee member zawng zawngte kan Lalpa Isua Krista hmingin chibai ka buk a che u. Tun tum hi kum 2015 - 2016 chhunga AEC meeting hmasa zawk a ni a, Assembly thurel umzuina leh Memberte hriat atana pawimawh leh thu benglut zual report tlangpui a ni.
A. Assembly Thute: 1. Thawktu thar lak: (a) Accountant 1 (Sub) HATIM-a thawhtir a ni . (b) Peon 1 (Temp) R & D-a thawhtir a ni. (c) Peon 1 (Contract). Hqrs-ah thawhtir a ni (Adm thu) (d) Accountant 1(Sb) Lak a la ni rih lo. (Hlawh tur budget telh loh a ni bawk) (e) Missionary. 16 lak thar an ni a, mi pahnih/khat bak chu Contract vek an ni. 2. Sum tuak Fehchhuah: (a). CHL leh HATIM pual fehchhuah tura inhriattirna tih chhuah a ni. 3. Family Planning: Ruahmanna siam a ni a, File-ah hian chilh tel a ni. 4. Naupangte Ni: Puipate kuta dah Central Comtt kaltlangin AEC a pawm turin 3rd Sunday.Nov rawt a ni. 5. Pu Buanga leh Sap Upa Thlalak: Biak In Hall,Pastor Quarters-a tar tur design mek a ni. 6. Nupaa pawmna Register hi a hrana siam tura rel a nih angin a Bu tur design-a peih fel a ni. 7. Ram tana Chawnghei Tawngtai: Sept 26.11am–6pm ruat a ni a, prog sem chhuah tawh a ni. 8. Dialysis khawl leina tur sum tuak appeal Kohhran tinah sem chhuah tawh a ni. 9. BHSS-a Chaplain dah tura Assembly-in a rel angin Tv. Lalhruaitluanga Chawngthu BA BD dah a ni. 10. Kawrpuichhuah Chakma zingah Primary School din tawh a ni. 11. Environment humhalh kawnga hmalak dan tur pawh Book-let siamin zir tura buatsaih a ni. 12. Kristian Ethics inzirtirna tura kaihhruaina pawh buatsaih mek a ni bawk. 13. Pastor Biala Nupi hruai leh Hna bansan chungchang-Patoral Comtt-in hma a la chhunzawm zel. 14. Sunday tuk khat Faina,Ei/In,zuk/hmuam laka thianghlimna hman dan tur bawhzui mek a ni. 15. Kohhran humhalh/tihpun kawnga seminar hmun hrang hrangah neihpuiin chhunzawm mek a ni. 16. Chhungkaw Inkhawm uar zawka neih a nih theih nan Communication dept chuan hma a la mek. 17. ABC leh Bial thar: (a). Lunglei West ABC chu Ni 19.April -ah Rev C.Ngurhneman a hawng. (b). Republic Vengthlang Bial hawn ni 14.March-ah. Rev C.Ngurhneman a hawng. (c). Tawipui N Bial Function ni. 28.March-ah Rev Lalthangliana Hnamte hoin. (d). Buarpui N & S Bial hawn ni 21st.March.Rev Lalthangliana Hnamtean a hawng 18. Bus 2-HATIM-a hman tur lei- Remtihsak a ni a, Lei fel tawh a ni. 19. Arakan Mission lam-kan mamawh Family Card neih a ni tawh a, ID card erawh beisei mek a ni. 20. Rev.Dockson Tong chuan Ni 28.June.2015 khan Ropuina ramah min kalsan ta. 21. Mission Field-ah Ring thar-January – July.2015 chhungin mi 1791 zet kan nei hman a ni. 22. Missionary leh Mission Worker mi 1120 te chu Mission Field hrang hrangah an bung mek. 22. Jubilee Bible School: Ni 7.Apr ah Hostelah luh a ni a, Zirlai 30 niin Mipa 23+Hmeichhia 7 an ni. B. Thu dangte: 1. Thlarau Bo Zawngtute (TBZ) leh Zoram Evangelical Mission (ZEM) te chuan BCM recognize an rawn dil a, kum 1 atan remtih phawt a ni. (April 2015 – March 2016) chhung tura ngaih a ni ang. 2. Mizoram Marriage Act- Sorkar thu angin kan Inneihna Certificate-a ziak belh ngai, Dan lam atanga hriattirna kan hmu a, Ukil te nena sawiho hnuah authenticate Certificate a nih theihna turin ziak belh chu remtih a ni a. Certificate chu peihfel tawh a ni. 3. Mahatma Gandhi birth Day.2nd Oct chu 2015 atangin kum tin BCM Office chawlh ni atan tih a ni ve ta. 4. MBF Member Kohhrante Inlaichinna: Assembly-a kan pawm ang khan MBF meetingah report a ni a, Baptist Today, ni 9.Aug chhuakah Kohhranhote hriattirna siam a ni.
