Mizoram Baptist Kohhran, Assembly Executive Committee Meeting, nimin leh vawiin-a neih chu tluang takin vawiin chahnu dar 01:00 khan an zo ta. Tun tumah hian Rorel palai 174 an kal a ni. Tarlan tawh ang khan he Meeting hi Sap Upa leh Pu Buanga Hall, Serkawn-ah neih a ni a. BCM President, Rev. H. Sangchema'n Meeting kaihruaiin General Secretary, Rev. H. Lianngaia’n Report tlangpui a pe bawk. Tun tum-ah hian Committee lian pathum, Mission, Central leh Service Committee atangin Agenda lut a tam loh avang leh Agenda harsa lutuk a awm loh avangin vawiin an nileng ta lo a ni.

Tun tuma an thu passed langsar zual te lo tarlang ila:-

1. Central Committee atanga thu lut Mizoram Baptist Federation(MBF) member Kohhrante rawngbawlna inpawmpui leh in palaitawn tha tih a ni a, Assembly 2015-ah thlen choh ni se tih a ni.

2. BCM Finance Department-a Assistant Account Officer Post luahtu Pension-a a chhuah avangin kum khat chhung Post hum sa tihnun loha awm chu Administrative Committee chuan Central Committee kaltlangin Executive Committee-ah Post tihnun leh a dil chu remtih a ni.

3. AICS-ah M.Th Course/Programme hawn phalna Senate of Seampore Collge (University) a dil remtih a ni. Assembly 2014-in a lo rel tawh AICS-ah M.Th Course/Programme hawn a lo rel bawhzuina atan thil tul hmasa Senate of Serampore College atanga he programme hawn phalna dil hmasak a tul avangin Assembly Executive Committee-ah Board of Theological Education (BTE) chuan Central Committee kaltlanga a dil chu rem tih a ni a, a tul angin hma lo la zel rawh se tih a ni.

4.Baptist World Alliance(BWA) Inkhawmpui July - 2015, Durban, S. Africa-a neih turah Zaipawl in tirh thu gnaihtuah a ni a, tun tumah hi chuan Zaipawl tirh loh mai ni se tih a ni a. Asia -Pacific Baptist Federation (APBF) Inkhawmpui-2015, Bangkok, Thailand-a neih turah erawh chuan Zaipawl tirh ni se la, Zaipawl kal tur chung thlan leh tul dangte chu Worship and Music Committee-in lo bawhzui rawh se tih a ni.

5. Finance Committee-in thawktute D.A punna tur zat a rawt chu pawmpui a ni. hetiangin:-

1) October 2014-ah 10% of basic pay 2) April 2015-ah 8% of Basic pay 3) October 2015-ah 7% of Basic pay.

6. Kohhran thunun lai-a thite thununna phelh thu Administrative Working Committee-in a rel dan report ngaihthlak a ni a, pawm a ni. hetiangin:-

"Kohhran thunun lai te an lo thih hian phuar zui zelin awmzia a neih tawh loh avangin Kohhran record u-ah phuar phelh(Thunun hlih) a nih thu chhinchhiah ni se, Tualchhung Kohhrante hriattirin puan zar ni se" tih a ni.

7. Finance Committee-in Apri 2013-March 2014 Audit report a pek te, Finance report 2014 te pawm a ni;-

2014 Assembly Target hmuh dan tlangpui hetiang hi a ni. (1st April - 31st July 2014) Lunglei Area : 66,537,705.00(31.22%) Aizawl Area : 24,6617,469.00(30.97%) Lawngtlai Area : 13,342,498.00(29.98%) Missionary Support er: 5,459,925(36.40%) Total : Rs. 109,957,597.00 (31.20%)