Mizoram Baptist Kohhran Assembly hnuaia Rorelna sangber, Assembly Executive Committee Meeting chu  January 22-24, 2019  hian Mizoram Baptist Kohhran Biak In, Serkawn-ah neih a ni dawn a. Committee atana thil tul leh inbuatsaihna hrang hrang te pawh zawh fel a ni ta.

Kumin Assembly Executive Committee Meeting-ah hian BCM – General Secretary, Associate General Secretaries leh Executive Secretaries te thlan thar kum a ni a. Tin, Department Heads leh Institution Heads tur te pawh Nomination Committee-in a ruat thar leh dawn a, Nomination Committee hi naktuk January 22 ah hian Secretary te thlan zawh-ah an thu khawm veleh nghal dawn a ni.  Heng hruaitu thlan bakah hian - BCM Pay Commission 2018 rawtna te, Planning Commission din chungchang te, Odhisa Mission Field hawn chungchang te, BCM Budget 2019-2020 te chu agenda langsar  zual an ni ang.