Mizoram Baptist Kohhran Assembly hnuaia Rorelna sangber, Assembly Executive CommitteeMeeting chu vawiin January 22, 2013 (Thawhlehni) zing dar 10:30 khan Sap Upa leh Pu Buanga Hall, BCM Headquarters Office Serkawn-ah an tan ta. Meeting hi Rev. Dr. Raltawnga, President -in a kaihruaia, General Secretary Rev. H. Lianngaia’n report tlangpui a tawngka-in a pe a, Rorel Palai member kal thei chin hi mi 200 vel an nih laiin palai chhiar lai hian member palai 163 an ni.

General Secretary in April-December chhunga Pastor bial tin target pek dan dinhmun a tarlan danin  kumin Financial Year chhunga Pastor Bial tin Target Rs 233,863,000.00 ah Rs185,501,914.00(79.32%) hmuh tawh a ni a;  heta tang hian Rs 170,403,290 (72.86%)  chu budget-ah pek chhuah tawh a ni bawk. December thla thleng khan Pastor Bial 6 (Lengpui bial, Lungchem bial, Thenzawl bial, ZPMBK bial) ten kum 2012-2013 chhunga an target an tlin tawh a ni.

 

Kumin Assembly Executive-ah hian BCM – General Secretary, Associat General Secretaries leh Executive Secretaries te thlan thar kum a ni a. Chanchin kan ziak lai hian General Secretary tur nomination siam mek a ni. Tin, Department Heads leh Institution Heads tur te pawh Nomination Committee-in a ruat thar leh dawn a, Nomination Committee hi naktuk-ah an thu khawm dawn a ni. Committee-in inthlan result a puan fel hunah rawn tarlan zel kan tum dawn nia.

 

       

Agenda langsar zual te:-

1. Recruitment Rules (Assembly)
2. Nomination Committee member ruat(Assembly)
3. In thlan –          1) General Secrcetary

2) Associate General Seceretary-2 3) Executive Secretary - 2

4. Mizoram Baptist Federation(MBF) chungchang(Central)
5. Pastor (Minister) -8 nemngheh thu(Central)
6. Pro.Pastor ni lo, Minister-a nemngheh thu (Central)
7. Pro.Pastor 8 lak thar te pawm(report) (Central)
8. Shillong-a ram lei chungchang(Central)
9. Baptist Youth World Congress, Singapore-a Zaipawl tirh thu(Central)
10. Mizotawnga pathianthu zirna din chungcahng(report) (Central)
11. Serh leh sang khawih theihna mi 4 pek dilna(Mission)
12. Provate-a Missionary rawih dan policu(Mission)
13. Cambodia-a Missionary tirh chungchang(Mission)
14. Hlamzuih chungchangah BCM hian kan thurin(Bible) nena inmilin pawm dan leh sawngbawl dan siam ni se, chumi chungchanga a nghawng tur Kohhran dangte leh NGO te rawnin hma la rawh se(Serchhip ABC)
15. BCM Biak In Inkhawm darvuak dan inang tlang neih thu(Serchhip ABC)