Assembly Executive Committee Meting January 24-25, 2018[/caption]
Mizoram Baptist Kohhran Assembly hnuaia Rorelna sang ber, Assembly Executive Committee Meeting chu vawiin, January 24, 2018 (Nilaini) zing dar 10:30 khan Serkawn Biak Inah an tan ta. Meeting hi Rev. H. Lianngaia, BCM President -in a kaihruaia, General Secretary Rev. F. Ramdinmawia'n report tlangpui a pe bawk.
Tun tum Meeting-ah hian agenda a tam lutuk lo va, Thurel tur langsr zingah - BCM-in Rehabilitation Centre din tura ruahmanna thlir ho te, Relief & Development Department atanga Samari Mitha Project din chungchang rawtna leh ruahmanna thlir ho te, Pastoral Department atanga Pro.Pastor lak thar report pawmpui leh Pastor Ordain tur interview te a ni bawk. Tin, Mizorama Chanchin Tha lo thlen kum 125-na (Quasquicentennial) January 11, 2019-a lawm dan tur ruahmanna thlir ho te chu thu langsar deuh an ni ang. Department hrang hrang thurel leh report pawm leh Assembly 2018 atana inbuatsaihna te a ni a, Department hrang hrang Annual Plan leh Budget te an thlir ho bawk ang.
