Mizoram Baptist Kohhran Assembly hnuaia Rorelna sangber, Assembly Executive Committee Meeting chu vawiin, August 27, 2014 (Nilaini) zing dar 10:30 khan Sap Upa leh Pu Buanga Hall, BCM Headquarters Office Serkawn-ah an tan ta. Meeting hi Rev. H. Sangchema, BCM President -in a kaihruaia, General Secretary Rev. H. Lianngaia’n report tlangpui a pe bawk. Tun tum Executive Committee-ah Department hrang hrang thurel leh report pawm leh Assembly 2014 Rorel bawhzui dan thlir hona te neih a ni ang. A hnuaia tarlante hi Agenda langsar zualte an ni:-
Central Committee thute:-- MBF member Kohhrante rawngbawlna inpawmpui leh inpalaitawn thu.
- Assistant Accounts Officer Post tih nun chungchang.
- AICS-a M.Th hawn phalna Senate of Serampore College-a dil thu.
- BaptistWorld Alliance (BWA) Congress -2015, Durban S. Africa -a Zaipawl tirh chungchang thu.
- Zuk leh hmuam that lohzia inzirtir chungchang thu
- Nursing School-a GNM seat 20 atanga 30-a tihpun chungchang thu.
- Budget Revision thu:
- Thawktu D.A. punna tur zat ruahman
- Audit Report (2013-2014) pawm
- Kohhran Thunun laia thite thunun phelh thu
- Asia –Pacific Baptist Fedearation(APBF) Conference-a BCM atanga Zaipawl tirh thu.
......................
General Secretary Report.
Assembly Executive Committee member zawng zawngte kan Lalpa Isua Krista hmingin chibai ka bûk a che u. Kum kal lai 1st April – 31st July.2014 report ka han ziak a. He report-ah hian Central, Mission leh Service Committee-te huam vekin a tlangpui tak meuhin buatsaih a ni. Hetiangin:-
1.Nausen Thi Vui dân: Hei hi Mizoram pumpuia kan issue pakhat a ni ve a, BCM leh MKHC Lunglei bul tumin consultation 20.Febuary.2014 khan kan nei a. chuta kan thu tlûkna zûlzui deuhin keini Kohhran chuan “Inkhawm Kaihhruaina”(Worship Manual) ah mumal taka buatsaihin kan dah fel tawh a, a Bu pawh lei theiha chhuah a ni bawk.
2. Presbyterian nêna inpalai tawn: Assembly 2014 rêl a ni. Administrative committee chuan a bawhzui a, lehkha hi thawn tawh a ni a, an hmu ngei tawh bawk a. Lehkhaah chuan President leh General Secretary-ten hming an sign. Chhânna kan la hmu lo.
3. Pay Commission leh a kaihhnawih: Assembly 2014 chuan Pay Commission report a pawm a, chu Commission chuan kan Rules hrang hrang a khawih hlek hlek a; chûngte chu siam tha tûra ruat Adm Working comtt. chuan an siam tha zo tawh a, tûnah hian Press-a chhut theih tûra buatsaih mêk a ni. A lo chhuah thuai beisei a ni.
4. Motor Thar lei thu: Assembly-in Bus-1, Light vehicle 4, Two Wheeler 7 lei a rel angin Bolero - 1, ES.Aizawl hman tur leh Bus-3, Huto English School tan pakhat leh BHSS tan 2 lei tawh a ni.
5. Service Comtt thute:-GNM seat 30: GNM seat 20 kan neih mek hi Assembly rel angin seat 30 a siam tur a hma lak mek a ni a. Tin Zuk leh Hmuam do chungchanga hmalakna pawh Social Concern Dept-in a bawhzui zel. HATIM chuan MZU atangin permanent affiliation kan hmu fel tawh. Thawktu thar leh upgrade mi 12 kan nei. Hospital lamah Dialysis machine leina kan tuak mek a, kan la mamawh tam deuh. ICU room tur leh Cabin turte pawh buatsaih mek a ni.
6. Mission Comtt thute: BCM Mission Platinum hriatreng nan (a) Guest House chu sak mek a ni a, kan peih fel tep.
(b) Field thar-Jharkhand Field pawh hawn tawh a ni. Rev TC.Vanlalmalsawma chu F/D atan dah nghal a ni.
(c) Memba mission-Arunachal leh China inrina vela kristian la awm lohnaa Missionary tirh - Sept hian kan tir tan ang. Arakan Field pawh survey zawh tawh a nih kha, Pastoral Comtt ni 30-31.Oct ah F/D tur dil a ni. Missionary thar 33 lain tirh chhuah tawh an ni. January-June 2014 chhungin Ringthar 1805 kan Field hrang hrangah kan nei tawh a ni.
7. Pastor Bial thar hawn: Ni 12.Apr.Inrinni khan Zobawk South Pastor Bial chu Rev.Dr.K.Lalrinthanga’n a hawng a, Rev.H.Lianngaian thuchah a sawi.
8. Sunna: Rev.C.Rothuama chuan July ni 6,Sunday khan Ropuina ramah min kalsan ta, BCM Living Dictionary kan chan ta a ni. Kan uiin kan ngai hle a. Tin, Pi Lianhliri BPP-a pensioner pawh ni 7.July khan kan then ve leh nghal a. An chhungte Pathianin awmpui zel rawh se.
9. BCM hminga Palaina: Assembly leh Concern Committee-in BCM hminga Kohhran/Council, etc-a palai kan inruat angin hetiang hian kan kal:-
| ECM Assembly, 26 Feb – 2 March 2014, New Saiha |
| Rev.K.V.Thanga Upa Rosangliana Upa K.Rochungnunga |
| TBCU Assembly 25-27.April, 2014 Tokarjola, Tripura |
| Rev.PC Liandula Upa H.Zadingliana Upa H.Lalrinawma |
| NEICC, 15-18 May, 2014, Churachandpur, Manipur |
| Rev Dr.K.Lalrinthanga Rev.F.Ramdinmawia Rev.K.V.Thanga, Director Rev.Samuel Lalremsanga Pastor B.Rothangpuia Upa A.Lalhmunmawia Upa F.Lalzarmawia Rev.C.Ngurhnema, President Elect |
| CMC Vellore, 3 - 4 July, Vellore : Upa Dr B.Laldinliana |
| BWA Gen Council, 6 – 12.July 2014, Izmir.Turkey : Rev.H.Lianngaia |
Department hrang hrang hmalakna leh thiltihte kan sawi seng lova, Central, Mission leh Service Committee lamah chipchiara report hi pek vek a ni a. Pathianin kan Kohhran min hruai zel a, hma kan sawn zel bawk a. Kan hmalak a zauin a lian tawh a, kan budget pawh a lian hle - July thla thlenga kan chim tur chin erawh chu kan la phak lo deuh a ni.
BWA General Council meeting-Izmir (Smurna) Turkey-ah 6-12.July khan ka zu tel ve thei a. Kan rorel thenkhat atangin Khawvel pumpui huapa rawngbawlna leh Pathian duhzawng ti tura kan hmalaknate a ropui hle a. BCM kan tel ve hi ka rilru ti hlim em emtu a ni. Lalpan BCM hruai zel rawh se.
