Evangelist Refreshers Course[/caption]
February ni 18- 22 chhung hian Mizoram Baptist Kohhran hnuaia Non-Mizo Mission-a thawk lai Evangelist te pualin Jubilee Bible School, Ramzotlang, Serkawn-ah Refreshers Course kalpui mek ni. JBS-a zirtirtute bak ah BCM Senior Pastor te leh thawktu thenkhat ten subject hrang hrang-ah zirtirna an pe a ni.He intuaitharna programme-ah hian BCM Non-Mizo Mission-a Evangelist thawklai mi 13 te bak ah Evangelist Team member pahnih an tel a ni. Febnruary 22 (Inrinni) hian he programme hi zovin Certificate hlanna leh thlahna hun hman nghal a ni ang.
Evangelist Refreshers Course hi a hranpa-a siam lovin, BCM Kohhran Upate tana buatsaih Chawlhkar khat Refreshers’ Course ang a kalpui a ni a, he Refreshers Course -ah hian Subject hrang hrang 9 - Introduction to the Bible, Mahni-a Bible zir dan, BCM thurin chhuizauna, Kohhran leh Mission, Christian Education, Sermon buatsaih dan, Tunlai Khawvel in hun harsa leh hun khirh a hmachhawn (Contemporary Issues), Pastoral Care leh Personal Development te zirtirin Training an chhuah hnu-ah Course Certificate pek an ni thin a ni.
