Kar hmasa Inrinni, April 9 khan BCM Biak In Electrict veng, Lunglei ah Electrict Pastor Bial chhunga Upa leh Rawngbawltu te pualin Seminar neih a ni a. He Seminar-ah hian BCM Planning Panga-na chungchang leh BCM Constitution & Rules chungchang zirho a ni. 
Resource Person-ah Pu Lalruatkima Administrative Officer hman a ni a. Seminar hi hun hnih (chawhma leh chawhnu) ah then a ni. Chawhma hun hi dar 10:00 ah tanin Upa R. Rozika, Chairman, BCM Electric-in a kaihruai a, Chawhnu lamah Upa R. Lianchhawna, Bial Chairman elect-in hun a vawng thung a ni.
Pu Lalruatkima, Resource Person chuan BCM Planning Commission vawi ngana leh BCM Constitution thar-in BCM kalphung hrang hrang leh Department inrelbawl dan te, ABC, Bial leh Tualchhung Kohhran inrelbawl dan a khawih danglam te leh Kohhran kalphung a thlak danglam thenkhat te tarlangin, zirchianna leh inkawhhmuhna a neihpui a. Zawhna leh Chhanna hun te hman a nih bak ah, sawihona hun te hman a ni bawk.
