HATIM chungchang Lawm thu sawina leh Hriattirna Baptist Church of Mizoram General Secretary hminga Tualchhung Kohhran tina HATIM New Campus buatsaihna  ‘special appeal’ kha eng emaw zatin ti hlawhtlingin an rawn chhang tawh a, tun thlenga kan dawn leh hriatte kan han tarlang a ni. 1. Serkawn BMP member 34 leh Hatimians leh Education Department hruaituten December ni 10.2011 ah hnatlang         an thawk. An vain 120 zet an ni a, Ground breaking Ceremony neih a ni. 2. Salem Kohhran, Lunglei Rs 10000/-(singkhat) thawhin an  rawn hnatlang. 3. Ramhlun ‘N’ Kohhranin Rs 30,000/- pein an hnatlang  tawh. 4. Ramzotlang Kohhranin in an rel fel tawh, office lam nen  indawr mek. 5. Serkawn in an rel tawh a, office lam nen in ngai chang mek. 6. BCM Venglaii Lunglei in chhiat tawk awm vangin hnatlan ni  an sawn rih. 7. Pukpui Kohhrante nimin, Feb.11, Inrinni khan an hnatlang.   Kan hna hmasate hi khawl (JCB, Bull Dozer, Tripper) hmanga thawh tul a tam a, sum thawha hnatlan a hlawk zawka ringin Serkawn leh Ramzotlang te thurawn pek an ni. Hostel sak leh campus hung kan tan theih hunah chuan work camp/hnatlanga thawh tur a tam ve thung dawnin a lang. Kohhranhote remchan leh theih angzia zelin thawh tur ruahman a ni ang. Property Manager leh Architech lamin campus pian hmang tur an duang mek a, mumal taka bun theih thuai a ni ang. Rawn chhang hmasate chungah lawmthu kan sawi a, beiseina sang tak nen kan lo thlir reng che u a ni.   Sd/- Rev.H.Sangchema BCM Education Director