Education Department chuan kum tina a buatsaih thin zirlai tithate chawimawina hun Tunkar thawhlehni, June 29, 2021 khan Associate General Secretary โ Service Office Chamber-ah BHSS atanga HSLC leh HSSLC exama zir lai titha zualte hnenah hlan an ni.
Kum dangah chuan hetiang hun hi Institution zirlai zawng zawngte leh zirtir tute nen hman thin a ni a. Kuminah erawh chuan hri leng avangin Institution khar a ni a, function neia punkhawm a rem chan tak loh avangin Zirlai chawimawina dawng tute leh Education Department-a hotute chauh telin lawm chawimawina thil pek hi hlan an ni.
Zirlai titha lawmpuina hi HSSLC Top ten-atangin mi pahnih - Noel VL Zikpuii Pachuau (Commerce Subject 1 5-na) leh Ruth Lalruatfeli (Arts subject a 8-na) te bakah HSLC Exam-a Subject zawng zawng a Letter hmu mi 4 hnenah hlan a ni.
Hemi puala hun tawi buatsaih hi Rev. L. Vanlalsanga,ย Director, BCM Education Department-in a kaihruaiin, result dinhmun tlangpui a sawi a. Rev. R. Lalbiakliana, AGS (Service) in lawmpuina hlanin, fuihna thu a sawi bawk.
Kan tarlan tawh ang khan, kuminah hian BHSS atanga HSSLC Exam zawng zawng 272 atangin mi 253-an passed a, Passed percentage chu za zel a 93.01 a ni. Heng zingah hian Distinction-ah mi 26 zet an passed a ni. HSLC bikah mi 120 exam-in, 119 an passed a. Passed percentage chu za zela 99.16 niin, an zing atang hian Distinction-a passed mi 49 zet an awm bawk.
