Evangelical Church of Maraland (ECM) Kohhran chuan an rorelna sang ber Assembly vawi 92-na chu March 18-22, 2015 hian ECM Edenthar Biak in, College Veng, Saihaah an nei mek a; hetah hian BCM aiawhin Christian Education leh Communication Department Director nikawp, Rev.V. Vanlalchhunga leh Upa Saihranga Sailo, Theiriat te an kal.

General Secretary & Finance Manager Kolkat-ah

General Secretary, Rev.H. Lianngaia leh Finance Manager, Pu K. Lalrohlua te chu Income Tax chungchangah March 18,2015 khan Kolkata-ah an kal a; General Secretary hi March 20-ah Serampore Council Meeting-ah a tel nghal a ni.

Missionary Furlough Mekte

Kan hriat theih chinah tunlai hian heng kan missionary ram chhung leh ram pawna mite hian Furglough Deputation programme an hmang mek hlawm:-

Pu C. Thangzela, Bengal field - Hnahthial North bial a fang mek a. Nl. H. Lalbiakveli, Serhuan Tuichawng Area - Kolasib Pastor bial a fang mek a. Pu J. Lalrinawma, West Bengal field - Aizawl East Pastor bial a fang mek a. Pu VL. Chhuanawma Sailo, Ompinagar, Tripura field - Cherhlun Pastor bial a fang mek bawk. Hetih lai hian Pu Lalfakliana, AP Far East field-a thawk chu furlough hmang zovin an fa phir, thla 5 mite nen an thawhna lam panin an haw thla veleh ta bawk.

Mahanaim BMP Silver Jubilee

Lungsen Mahanaim Unit BMP chuan March 21-23, 2015 hian an Unit din champha kum 25-na (Silver Jubilee) “Isua Krista chhung tin tan” tih thupui hmangin an lawm mek a. Speaker atan FOD Director, Rev.KV. Thanga an hmang. Inrinni-ah Jubilee ruai an theh ang.

Champhai Bial Inkhawmpui

Champhai Pastor bial chuan March 20-22, 2015 hian Kahrawt Biak inah inkhawmpui an nei mek a, thupui atan ‘Siam thar lehna’ thlangin Speaker Rev.F. Sangvela a ni.

Evangelist Team Rawngbawlna

Kan hriat thei chinah hetiang hian kan Evangelist team ten rawng an bawl mek: Thutak Puangtu team Evan Dengdailovaten Ramlaitui Kohhranah Mizoram Evangelical Ministry Evan R.L. Thianghlima te Electric veng, Lungleiah Gospel for All team, Evan F. Lalnuntluanga te Theiriat Gilgal KNP Pual Crusade Mizoram for Christ team, Evan. C. Tlangmawia te Hnahthial Electric Kohhranah

Bial KNP Inkhawmpui

Diltlang Pastor bial KNP chuan Khawmawi Hmar veng Biak inah March 20-22 hian inkhawmpuian nei mek a; speaker atan an bialtu Pro Pastor thar, F. Ngursailova an hmang.

Bial BMP Inkhawmpui

Thenzawl Pastor bial BMP chuan March 20-22 hian Bethlehem Biak inah inkhawmpui an nei mek a, speaker atan bialtu pro pastor, F. Gospelmawia an hmang.